“Búgin biz úshin aýyr kún. Biz Aian Ǵaliev jáne Ǵani Nurimanovpen qoshtasyp jatyrmyz. Aian jaraqat alǵanyna qaramastan, qarsylasty da jaralap, qanshama adamdy aman saqtap, ózi ólip ketti. Ol naǵyz kásibiliktiń úlgisin kórsete aldy. Otstavkadaǵy qyzmetker Ǵani qyzmettik paryzy adal atqardy. Áriptesteri onyń jaýapkershil, syily adam bolǵanyn aitady”, – dedi ákim.
Shahar basshysy bul azamattardyń qandai qurmetke de laiyq, naǵyz batyr ekenin aitty. Qaza tapqandardyń balalary týraly aitqan Baýyrjan Baibek kóz jasyna erik berdi.
“Aiannyń artynda 10 jasar qyzy men 7 ailyq uly qaldy. Keshe men ata-anasynyń úiinde boldy. Olar nemeresin 10 jyl boiy kútken eken. Aian óz ulynyń batyr bolǵanyn qalaǵan. Al Ǵani Nurimanovtyń artynda eki birdei uly qaldy. Ózge qaza tapqan politseilerdiń de balalary bar”, – dedi qala basshysy.
“Ata-analary balalaryn naǵyz patriot, otan súigish azamat etip tárbielegen. Sizder bizdiń júregimizde máńgi qalatyn batyrlardy tárbieledińizder. Politsei bolý – ómirińdi táýekelge tigý. Elbasy barlyq qaza tapqandardyń otbastaryna kóńil aitady. Eshkim de qoldaýsyz qalmaidy. Barlyq otbasylar materialdyq kómek alady”, – dedi ákim.
Qala ákimi sondai-aq, jaǵdaimen túsinistikpen qaraǵan jáne qan tapsyrǵan turǵyndarǵa da erekshe alǵysyn bildirdi.
Eske sala keteiik, terroristik akt kezinde quqyq qorǵaý organdarynyń úsh qyzmetkeri – 28 jastaǵy politsiia kapitany Baýyrjan Nurmuhanbetov, 24 jastaǵy politsiia serjanty Maqsat Sálimbaev jáne 42 jastaǵy politsiia starshinasy Aian Ǵaliev qaza tapqan edi. 19 shilde kúni politsiia leitenanty, JPP mamandandyrylǵan batalon qyzmetiniń aǵa inspektory 29 jastaǵy Timýr Begasylovtyń aýrýhanada qaitys bolǵany belgili boldy.
Sondai-aq búgin Almaty jáne Jambyl oblystarynda Maqsat Sálimbaevti jáne Baýyrjan Nurmuhanbetovty jerleý rásimi ótýde.
Derekkóz: stan.kz
