Kompaniia qalanyń syrtqy jaryqtandyrý júiesin avtomattandyrý jáne ortalyqtandyrý boiynsha baqylaýǵa jaýapty.
2021 jyldyń jeltoqsan aiynyń sońynda sol kezde Almaty qalasynyń ákimi bolyp turǵan Baqytjan Saǵyntaevtyń sheshimimen "Almaty qala jaryq" MKK tender arqyly júzege asyrylǵan. Nátijesinde "ABM Group.com" JShS jeńimpaz atanyp, kelissózder somasy 4,6 mlrd teńgeni quraǵan. Al boljamdy quny 14,8 mlrd teńge dep eseptelgen.
Básekelestikti qorǵaý jáne damytý agenttiginiń Almaty qalasy boiynsha departamenti uiymnyń qaladaǵy syrtqy jaryqtandyrý júielerin avtomattandyrylǵan ári ortalyqtandyrylǵan basqarý qyzmetterin kórsetý naryǵynda monopoliialyq jaǵdaiǵa ie ekenin anyqtady.
"Qazaqstan Respýblikasynyń memlekettik múlik týraly zańynyń normalaryna sáikes ústem nemese monopoliialyq jaǵdaidy ielenetin naryq sýbektileri bolyp tabylatyn uiymdardy jekeshelendirý týraly sheshim qabyldaý el úkimetiniń quzyretine jatady.
Osylaisha, Almaty ákimdiginiń "Almaty qala jaryǵyn" jekeshelendirý týraly qaýlysy memlekettik múlik týraly zańnama normalaryna qaishy keledi jáne básekelestikti shekteidi
, – delingen ákimdik málimdemesinde.
Qazirgi qala biliginiń pikirinshe, "Almaty qala jaryǵyn" jekeshelendirý strategiialyq memlekettik kásiporyndy joǵaltýǵa ákep soǵýy múmkin. Sol sebepti Almaty ákimdigi kompaniiany jekeshelendirý týraly sheshimniń kúshin joiý sharalaryn qolǵa alýda.
