Almaty ákimdigi nelikten Ýálihanov atyndaǵy saiabaqta beibit mitingilerge tyiym salǵysy keletinin túsindirdi, dep habarlaidy Dalanews.kz.
Saiabaqta miting bolǵan kezde Abai jáne Dostyq dańǵyldary keptelis bolady. Bul jaqyn mańda turatyn turǵyndarǵa da, kólik júrgizýshilerine de qiyndyq týǵyzady. Ákimdik sol sebepti osy saiabaqtarda miting ótkizýge tyiym salǵysy keletinin habarlady.
“Miting kezinde Shevchenko kóshesiniń boiynda Dostyqtan Qonaevqa deiin kólik qozǵalysy shekteledi. Júrgizýshiler Dostyq dańǵylynyń boiymen ońtústik jaǵyndaǵy Abaiǵa deiin jáne soltústiktegi Bógenbai batyrǵa deiingi aýmaqty ainalyp ótedi. Solai basqa baǵyttaǵy kólik júrgizýshilerine qiyndyq týǵyzady”, — dedi ákimdik habarlamasynda.
