Túrkıa jáne Ortalyq Azıa boıynsha halyqaralyq qarjy korporasıasynyń (International Finance Corporation, IFC) óńirlik dırektory Vıbke Shlemerdiń Qazaqstanǵa sapary aıasynda Almaty qalasynyń ákimdigi men IFC arasynda ınvestısıalar tartý úshin jobalardy baǵalaýdy júrgizý týraly mandatty kelisim – hatqa qol qoıyldy.
Mandattyq hatqa sáıkes IFC Almaty ákimdiginiń «jasyl» oblıgasıalaryn 200 mln. AQSH dollaryna deıin satyp alýǵa qatysýǵa daıyn, bul qarjy LRT, BRT birinshi jelisin salýǵa, 10 troleıbýs qosalqy stansıasyn jańartýǵa, 100 elektrobýs jáne basqa da áleýmettik mańyzy bar jobalardy iske asyrýǵa jumsalady.
«Jasyl» oblıgasıalardy shyǵarý IFC jobalardy baǵalannan keıin 2025 jylǵa josparlanýda.
Aıta keterligi, Almaty qalasy «jasyl» jobalardy qarjylandyrý úshin halyqaralyq qarjy uıymdarynan ulttyq valútada syrtqy qaryz alý quqyǵy berilgen Qazaqstandaǵy jalǵyz óńir bolyp tabylady.
