Qazaqstandyq Allur avtokólik kompanıasy Qazaq Tili Endowment qoryna 100 mln teńge aýdardy. Bul – Memleket basshysy Qasym-Jomart Toqaev bastamasymen úndes, qazaq tilin damytýǵa qosylǵan naqty úles, dep habarlaıdy Dalanews.kz aqparat agenttigi TIL.kz-ke silteme jasap.
Qazir Qazaq Tili Endowment qoryndaǵy qarjy 703 669 299 teńgege jetti. Osy qarajat esebinen sońǵy jyldary 100-ge jýyq joba men is-shara júzege asyryldy.
Allur – 22 jyldan beri elimizdegi avtokólik ónerkásibin damytyp kele jatqan jetekshi otandyq kompanıa. Qazaqstandyq avtonerkásiptiń júıeli damýyna serpin berip, el ekonomıkasynyń mańyzdy salasyn alǵa jyljytyp keledi.
Ana tilimizdiń bolashaǵyna beı-jaı qaramaı, qoldaý kórsetkeni úshin Allur kompanıasynyń basshylyǵy men ujymyna shynaıy alǵys bildiremiz!
Bastamalaryńyz sátti, isterińiz berekeli bolsyn!
