Memleket basshysy Qasym-Jomart Toqaev AQSh senatory Stiv Deinspen kezdesýinde Reseidegi keiingi jaǵdaiǵa qatysty Qazaqstannyń ustanymyn aitty, - dep habarlaidy Dalanews.kz.
Prezident Qasym-Jomart Toqaev halyqaralyq jáne óńirlik qaýipsizdik máselesine basa mán berdi.
"Bul rette Prezident Máskeý oblysyndaǵy lańkestik áreketti Qazaqstan álemde alǵashqylardyń biri bolyp qatań aiyptaǵanyn jáne osyndai qiyn-qystaý kezeńde Reseimen birge ekenin aitty", - dep jazylǵan Aqorda málimetinde.
Aita keteiik, atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Al buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Reseidiń Tótenshe jaǵdailar ministrliginiń aldyn ala aqparaty boiynsha terroristerdiń atys qarýyn qoldanýy men saýda oiyn-saýyq ortalyǵy órtenýinen 130-dan asa adam qaza tapqan, zardap shekkenderdiń sany 180 adamnan asady.
Sot buǵan deiin ustalǵan kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
