Áleýmettik jelide Abai oblysy men Shyǵys Qazaqstan aýmaǵynda túsirilgen video qyzý talqylanyp jatyr. Jazba avtorlary tabiǵi aýmaqtarda júrgizilip jatqan jumystar saldarynan jaiylymdar men jer bederi búlinip jatqanyn aityp dabyl qaqty, dep habarlaidy dalanews.kz.
Cero.kz paraqshasynda jariialanǵan jazbada beinejazba 1 maýsym kúni Bozanbai, Samar jáne Kókpekti aýyldarynyń mańynda túsirilgeni aitylǵan.
"Biz basqa elden kelgen adamdarǵa qarsy emespiz. Biraq Qazaqstannyń tabiǵatyna ziian keltiretin áreketterge kóz juma qarai almaimyz. Myńdaǵan gektar jer búlinip jatyr. Eger mundai jaǵdai jalǵasa berse, bolashaq urpaqqa tabiǵaty tozǵan jer qalýy múmkin", – deidi jazba avtorlary.
Videony túsirgen azamat ta tabiǵi aýmaqtardyń búlinip jatqanyn aityp, alańdaýshylyq bildirgen.
"Paida tabýdy kózdegen adamdar dalamyz ben taýlarymyzdy qazyp jatyr. Jaiylymdyq jerler búlinýde. Osyndai áreketter jalǵasa berse, mal jaiatyn jer azaiyp ketýi múmkin", – deidi ol.
Sondai-aq avtor kólikterdiń birinde Qytai azamattary bolǵanyn alǵa tartqan. Alaida bul aqparat ázirge resmi túrde rastalǵan joq.
Qazirgi ýaqytta videoda kórsetilgen aýmaqta zań buzýshylyqtyń bolǵan-bolmaǵany jóninde quzyrly organdar tarapynan resmi túsinikteme jariialanbady.
