QMA Aqmola oblysy boiynsha departamenti áleýmettik osal toptardyń turǵyn úi kezegin qysqartýǵa baǵyttalǵan "Nurly jer" memlekettik turǵyn úi baǵdarlamasyn iske asyrýǵa bólingen biýdjet qarjysyn jymqyrý deregi boiynsha tergeýdi aiaqtady, dep habarlaidy Dalanews.kz.
2020 jyly "Qurylys bólimi" memlekettik mekemesi men "NIKS Injiniring Grýpp IV" JShS arasynda qurylys salasynda memlekettik satyp alý jumystaryna 500 mln teńgeden asa somaǵa kelisimshart jasalǵan.
Alaida merdiger 3 jyl boiy qurylys bólimi basshysynyń kómegimen is júzinde oryndalmaǵan, kólemi men quny ósirilgen jalǵan qabyldaý aktilerin bergen. Zańsyz áreketter nátijesinde 152 mln teńge kóleminde ziian kelgen.
"Sot sanktsiiasymen kúdiktilerdiń quny 100 mln teńgeden asatyn múlkine tyiym salyndy. Merdigerge qamaýda ustaý túrindegi bultartpaý sharasy tańdaldy. Qylmystyq is sotqa jiberildi", - dedi QMA ókili.
