Qazaqstannyń Eńbek jáne halyqty áleýmettik qorǵaý ministri Svetlana Jaqypova memleketten áleýmettik kómek alýshylardyń qatary qysqaratynyn málimdedi, dep habarlaidy Dalanews.kz.
Ministrdiń aitýynsha, endi birneshe múlki bar, tabysy joǵary otbasylar ataýly áleýmettik kómekke úmitker bola almaidy.
"Áleýmettik kómek shyn muqtaj jandarǵa ǵana berilýi tiis. Eger otbasy ózderi investor bolyp, árbir múshesine shaqqanda 4 eń tómengi kúnkóris deńgeiinen artyq tabys tapsa, eki nemese odan da kóp avtokóligi, eki nemese odan da kóp jyljymaityn múlki bolsa, bul otbasy jetkilikti turmystyq jaǵdaida bolyp esepteledi. Mundai azamattar áleýmettik qoldaýǵa muqtaj emes", — dedi ministr.
Jaqypovanyń sózinshe, tabysy ár adamǵa shaqqanda 200 myń teńgeden asatyn otbasylardyń jiyntyq tabysy 6 adamnan turatyn jaǵdaida 1,2 million teńgege jetýi múmkin.
"Mundai otbasylardyń da memleketten qoldaý alýy qisynsyz", - dedi ol.
Ministrlik ataýly áleýmettik kómektiń ádil ári naqty beriletin tetigin qalyptastyrý úshin qosymsha súzgiler engizýdi josparlap otyr.
