Áleýmettik jeli dástúrli BAQ-tyń ornyn basa ma?
Saiasattanýshy Edýard Poletaevtyń aitýynsha áleýmettik jeli dástúrli BAQ básekelesetin jaǵdaiǵa jetti. Bul tarapta áleýmettik jelide qandai máseleler kóterilip jatqanyna nazar aýdarý asa mańyzdy.
«Áleýmettik jelini kibershabýyl maqsatynda qoldanýy múmkin kúshter bar. Solardan saqtaný maqsatynda otandyq aqparat salasynyń qaýipsizdigin qamtamasyz etý kerekpiz» dedi ol.
«Qazaqstan internet qaýymdastyǵy» qoǵamdyq uiymynyń prezidenti Shaýqat Sabyrovtyń pikirinshe áleýmettik jelidegi zańsyz, memleket múddesine nuqsan keltiretin jazbalarmen kúresý barlyq elde bar.
«Byltyrǵy jyly quqyq qorǵaý oryndary áleýmettik jelidegi árbir qoldanýshyny baqylap otyratyn monitoring júiesin satyp aldy. Biylǵy jylǵy dál osy maqsatta Aqparat ministrligi tarapynan 2 mlrd. teńge bólindi» dedi.
«Qalai bolǵan kúnde áleýmettik jeli óziniń aqparat taratýdaǵy bedeli men rastyǵy jaǵynan resmi BAQ-pen básekelese almaidy», – deidi óz kezeginde saiasattanýshy Aigúl Omarova.
Al sarapshy Anton Morozovtyń aitýynsha áleýmettik jelidegi alyp-qashpa aqparatqa senetin qaýymnyń qalyptasqany qaýipti.
«Shyrpy jaqsań tutanýǵa shaq turǵan qazirgi qoǵamda jelilerde jeldei esken túrli qaýeset pen gý-gý, arandatýdyń artýy - aqiqatyn aiqtsaq alańdatady», – dedi ol bul rette.
Jiyndy túiindegen «Strategiia» áleýmettik jáne saiasi zertteýler ortalyǵynyń prezidenti Gúlmira Ileýova: «Áleýmettik jeli bastapqyda tanystarmen, dostarmen aralasyp, sýret salatyn aqparattyq alań edi. Al, bizdiń elimizde ol qazir saiasilanyp ketti», – degen pikir bildirdi.
