Frantsiia ulttyq quramasy men aǵylshyndyq "Chelsi" komandasynyń burynǵy oiynshysy Klod Makelele Aqtóbe oblysynda qurylǵan qoǵamdyq shtab ókilderimen birge Q.Jubanov atyndaǵy Aqtóbe óńirlik ýniversitetiniń jataqhanasyndaǵy ýaqytsha ornalastyrý pýnktine baryp, sý tasqynynan zardap shekken otbasylarmen kezdesip, jaǵdailarymen tanysty, dep habarlaidy Dalanews.kz Kazinform-ǵa silteme jasap.
Kezdesý barysynda ataqty aiaqdop sheberi jataqhanadaǵy otbasylardyń balalaryna estelik retinde qoltańbasy bar fýtbol dobyn syilap, bolashaǵyn fýtbolmen bailanystyratyn jas órenderge alańda dop tebýdiń qyr-syry, ádis-tásilderi, úlken sportta tabysqa jetý joldary, ómirlik tájiribesi jaiynda aityp, bolashaqta úlken fýtbol juldyzy bolýdy tiledi.
Shara Aqtóbe oblystyq qoǵamdyq shtab ókilderiniń bastamasymen ótti.
Esimi ańyzǵa ainalǵan fýtbolshy Aqtóbe qalasyna «Super bol» - talanttardy tańdaýǵa arnalǵan sharanyń qurmetti qonaǵy retinde kelgen.
Jobanyń maqsaty – áýesqoi oiynshylardy kásipqoi fýtbol deńgeiine deiin kóterý.
