فرانتسييا ۇلتتىق قۇراماسى مەن اعىلشىندىق "چەلسي" كومانداسىنىڭ بۇرىنعى ويىنشىسى كلود ماكەلەلە اقتٶبە وبلىسىندا قۇرىلعان قوعامدىق شتاب ٶكٸلدەرٸمەن بٸرگە ق.جۇبانوۆ اتىنداعى اقتٶبە ٶڭٸرلٸك ۋنيۆەرسيتەتٸنٸڭ جاتاقحاناسىنداعى ۋاقىتشا ورنالاستىرۋ پۋنكتٸنە بارىپ, سۋ تاسقىنىنان زارداپ شەككەن وتباسىلارمەن كەزدەسٸپ, جاعدايلارىمەن تانىستى, دەپ حابارلايدى Dalanews.kz Kazinform-عا سٸلتەمە جاساپ.
كەزدەسۋ بارىسىندا اتاقتى اياقدوپ شەبەرٸ جاتاقحاناداعى وتباسىلاردىڭ بالالارىنا ەستەلٸك رەتٸندە قولتاڭباسى بار فۋتبول دوبىن سىيلاپ, بولاشاعىن فۋتبولمەن بايلانىستىراتىن جاس ٶرەندەرگە الاڭدا دوپ تەبۋدٸڭ قىر-سىرى, ەدٸس-تەسٸلدەرٸ, ٷلكەن سپورتتا تابىسقا جەتۋ جولدارى, ٶمٸرلٸك تەجٸريبەسٸ جايىندا ايتىپ, بولاشاقتا ٷلكەن فۋتبول جۇلدىزى بولۋدى تٸلەدٸ.
شارا اقتٶبە وبلىستىق قوعامدىق شتاب ٶكٸلدەرٸنٸڭ باستاماسىمەن ٶتتٸ.
ەسٸمٸ اڭىزعا اينالعان فۋتبولشى اقتٶبە قالاسىنا «Super bol» - تالانتتاردى تاڭداۋعا ارنالعان شارانىڭ قۇرمەتتٸ قوناعى رەتٸندە كەلگەن.
جوبانىڭ ماقساتى – ەۋەسقوي ويىنشىلاردى كەسٸپقوي فۋتبول دەڭگەيٸنە دەيٸن كٶتەرۋ.
