AQSh pen Izraildiń Iranǵa jasaǵan soqqylarynan keiin Brent markaly munaidyń baǵasy birjadan tys saýdada birden 10 paiyz ósip, barreline shamamen 80 dollarǵa jetti. Sarapshylardyń boljamynsha, baǵa taiaý ýaqytta 100 dollarǵa deiin kóterilýi múmkin, dep habarlaidy Dalanews.kz agenttigi DW telegram arnasyna silteme jasap.
ICIS taldaý kompaniiasynyń ókili Adjai Parmardyń aitýynsha, munai baǵasyna qysqa merzimde áskeri áreketter áser etkenimen, sheshýshi faktor - Ormuz buǵazynyń jabylý qaýpi.
"Biz demalystan keiin saýda ashylǵanda munai baǵasy 100 dollar mejesine áldeqaida jaqyndaidy, tipti buǵazdaǵy shekteý saqtalsa, odan da asyp túsýi yqtimal", - dedi sarapshy.
Bul pikirmen RBC jáne Barclays sarapshylary da kelisip otyr.
Osy tusta OPEK+ munai karteliniń negizgi músheleri sáýir aiynan bastap óndiristi buryn josparlanǵan táýligine 137 myń barreldiń ornyna 206 myń barrelge deiin arttyratynyn málimdedi. Alaida Rystad Energy sarapshysy Horhe Leon kelisilgen ósim Iran tóńiregindegi ahýal ýshyǵa tússe, 2 naýryzdaǵy saýda ashylǵanda munai baǵasynyń kúrt qymbattaýyn tejei almaýy múmkin ekenin eskertti.
SPI Asset Management kompaniiasynyń basqarýshy seriktesi Stiven Innes AFP agenttigine bergen pikirinde Parsy shyǵanaǵyndaǵy jaǵdai kommertsiialyq tasymaldaýshylardy alańdatyp otyrǵanyn aitty. Onyń sózinshe, Ormuz buǵazynda zymyran shabýyly qaýpi, kemelerdi saqtandyrý kelisimderiniń jappai toqtatylýy jáne aimaqtaǵy elektrondy signaldardyń irkilisi naryqqa qosymsha qysym túsirip otyr.
Innestiń baǵalaýynsha, buǵaz tolyq buǵattalsa, dúisenbi kúni saýda ashylǵanda munai baǵasy eskalatsiiaǵa deiin shamamen 72 dollar deńgeiinen 120–150 dollarǵa deiin ósýi yqtimal. Sarapshylar Saýd Arabiiasy men BAÁ-niń qurlyqtaǵy munai qubyrlaryn buǵazdy ainalyp ótý úshin paidalanýǵa bolatynyn aitqanymen, tipti mundai jaǵdaida da álemdik naryqta táýligine shamamen 8–10 mln barrel kóleminde tapshylyq týyndaýy múmkin.
