Astana áýejaıynda jankúıerler grek-rım kúresinen álem chempıony Aıdos Sultanǵalıdy qarsy aldy, dep habarlaıdy Dalanews.kz.
23 qyrkúıekke aýǵan túni Horvatıa astanasy Zagreb qalasynda ótken kúres túrlerinen álem chempıonatynda grek-rım kúresinen eresekter arasyndaǵy álem chempıony Aıdos Sultanǵalı men Ulttyq qurama sportshylary, bapkerleri týǵan eline oraldy.
Sportshylardy qarsy alýshylardyń qatarynda QR Týrızm jáne sport vıse-mınıstri Serik Jarasbaev, sport jankúıerleri, áskerı orkestr boldy.
Aıta keteıik, 60 kelide baq synaǵan Aıdos Sultanǵalı fınaldyq básekede Ózbekstan balýany Álisher Ganıevti taza jeńgen edi.
Ol buǵan deıin 2018 jáne 2022 jyldary qola júldeni enshilegen bolatyn.
Al grek-rım kúresinen otandyq sporttyń tarıhyna úńilsek, Iýrıı Melnıchenko (2 ret), Mhıtar Manýkán (2 ret), Baqtıar Baıseıitov (1 ret) ǵana jeńistiń eń bıik satysyna shyǵa alǵan.
