Aleksandr Vınokýrovqa jańa ataq berildi

Dalanews 26 qań. 2024 06:04 660

Týrızm jáne sport mınıstri Ermek Marjyqpaev velosportshy Aleksandr Vınokýrovke Qazaqstannyń eńbek sińirgen jattyqtyrýshysy qurmetti ataǵyn tapsyrdy. Bul týraly mınıstr Instagram paraqshasynda jazdy, dep habarlaıdy Dalanews.kz.

“Velosporttan elimizdiń eńbek sińirgen sport sheberi, London Olımpıadasynyń chempıony Aleksandr Vınokýrovpen kezdestim. Dańqty veloshabandozymyz otandyq sportty, onyń ishinde velosportty damytý jolynda qajyrly eńbek etip keledi. 2013 jyldan beri ol álemge áıgili «Astana» velokomandasyn basqarady. Kezdesý barysynda Aleksandr «Astana» velokomandasynyń halyqaralyq jarystardaǵy nátıjesi men bolashaq damý josparlary týraly aıtyp berdi. Velosporttan ulttyq quramanyń kóshbasshylary osy ujymnyń ókilderi ekeni belgili. Sondyqtan biz osy jazda Parıjde ótetin Olımpıadada el namysyn qorǵaıtyn veloshabandozdardy daıyndaýdyń jeke josparyn talqyladyq” - dep jazdy E.Marjyqpaev


Mınıstr jıyn sońynda Aleksandrǵa Qazaqstannyń eńbek sińirgen jattyqtyrýshysy qurmetti ataǵyn tapsyrdy. Sportshy óz kezeginde jazda ulttyq quramamen birge Parıj Olımpıadasyna barýǵa ýáde berdi.

Foto: RIA Novostı

Usynylǵan
Sońǵy jańalyqtar