Qazgidromet mamandary aldaǵy úsh kúnge arnalǵan aýa raiy boljamyn usyndy. Sinoptikterdiń málimetinshe, Astanada qaqaǵan aiaz saqtalsa, Almatyda jaýyn-shashyn túsip, kóktaiǵaq qaýpi kúsheiedi, dep habarlaidy Dalanews.kz.
14 qańtar kúni elordada aspan bultty bolǵanymen, jaýyn-shashyn bolmaidy. Túngi jáne tańǵy ýaqytta tuman túsip, joldarda kóktaiǵaq paida bolýy múmkin. Soltústik-shyǵystan soǵatyn jeldiń jyldamdyǵy sekýndyna 9–14 metrge deiin jetedi. Aýa temperatýrasy túnde minýs 28–30 gradýsqa deiin tómendep, kúndiz minýs 21–23 gradýs shamasynda saqtalady.
15 qańtarda da Astanada jaýyn-shashynsyz bultty aýa raiy kútiledi. Soltústik-shyǵystan soǵatyn jeldiń ekpini 9–14 metrge deiin kúsheiedi. Túngi ýaqytta aýa temperatýrasy minýs 26–28 gradýsqa deiin tómendep, kúndiz minýs 20–22 gradýs deńgeiinde bolady.
16 qańtarda aýa raiy aitarlyqtai ózgermeidi. Aspan bultty, jaýyn-shashynsyz bolady. Jel soltústik-shyǵystan soǵyp, sekýndyna 9–14 metr jyldamdyqqa jetedi. Túnde aýa temperatýrasy minýs 26–28 gradýs, kúndiz minýs 20–22 gradýs shamasynda saqtalady.
Almatyda 14 qańtar kúni aspan bultty bolǵanymen, jaýyn-shashyn túspeidi. Túngi jáne tańǵy ýaqytta tuman túsip, kóriný qashyqtyǵy tómendeýi múmkin. Soltústik-shyǵystan soǵatyn jeldiń jyldamdyǵy sekýndyna 2–7 metr bolady. Aýa temperatýrasy túnde nólden minýs 2 gradýsqa deiin tómendep, kúndiz pliýs 3–5 gradýs aralyǵynda saqtalady.
15 qańtarda Almatyda aýa raiy kúrdelene túsedi. Kúndiz jańbyr men qar aralas jaýyn-shashyn kútiledi. Túngi jáne tańǵy ýaqytta tuman saqtalyp, joldarda kóktaiǵaq paida bolýy yqtimal. Jeldiń jyldamdyǵy sekýndyna 3–8 metrge deiin kúsheiedi. Túnde aýa temperatýrasy minýs 3–5 gradýs, kúndiz minýs 1 men pliýs 1 gradýs aralyǵynda bolady.
16 qańtarda qalada mezgil-mezgil qar jaýady. Tuman men kóktaiǵaq qaitadan qaýip tóndiredi. Soltústik-shyǵystan soǵatyn jeldiń ekpini sekýndyna 3–8 metrge jetedi. Túngi ýaqytta aýa temperatýrasy minýs 5–7 gradýsqa deiin tómendep, kúndiz minýs 1–3 gradýs shamasynda saqtalady.
