Aldaǵy demalysta Almaty oblysynda tolyqtai lokdaýn engiziledi
Ótken aptada Almaty oblysynda koronavirýsqa shaldyǵýshylardyń ósim qarqyny 0,6% qurady, táýligine 99 jaǵdai tirkeldi. Infektsiialyq aýrýhananyń naýqastarmen qamtylý kólemi - 43%, reanimatsiialyq tósek-orynnyń 15% qamtylǵan. Bul týraly oblys ákimi Amandyq Batalov Úkimet otyrysynda málimdedi.
Aimaq basshysynyń aitýynsha, juqpaly aýrýlar aýrýhanasyndaǵy tósek sany 412-ge kóbeitilip, 1 550 birlikti quraidy.
Oblystaǵy aýrýshańdyqtyń joǵarylaýyna bailanysty karantin rejimi kúsheitildi.
Mektepke deiingi uiymdardyń, qoǵamdyq tamaqtaný obektileriniń, dini birlestikterdiń, qoǵamdyq monsha men kólikterdiń jumys kestesi saǵat 17.00-ge deiin qysqartylady, oiyn-saýyq mekemeleri men meiramhanalardyń jumys kestesi 21.00-ge deiin qysqarady. Demalys kúnderi oblysta bútindei lokdaýn engiziledi.
Almaty men oblys arasyndaǵy halyqtyń kóshi-qonynyń joǵary bolýyna bailanysty qala mańyndaǵy Jambyl, Qarasai, Talǵar, Eńbekshiqazaq, Ile aýdandarynda aýrýshańdyq kóleminiń artýy baiqalady. Osyǵan bailanysty bas sanitarlyq dárigerler shekteý sharalaryn kúsheitý týraly jeke qaýlylar qabyldady, - dedi Batalov.
