الداعى دەمالىستا الماتى وبلىسىندا تولىقتاي لوكداۋن ەنگٸزٸلەدٸ
ٶتكەن اپتادا الماتى وبلىسىندا كوروناۆيرۋسقا شالدىعۋشىلاردىڭ ٶسٸم قارقىنى 0,6% قۇرادى, تەۋلٸگٸنە 99 جاعداي تٸركەلدٸ. ينفەكتسييالىق اۋرۋحانانىڭ ناۋقاستارمەن قامتىلۋ كٶلەمٸ - 43%, رەانيماتسييالىق تٶسەك-ورىننىڭ 15% قامتىلعان. بۇل تۋرالى وبلىس ەكٸمٸ اماندىق باتالوۆ ٷكٸمەت وتىرىسىندا مەلٸمدەدٸ.
ايماق باسشىسىنىڭ ايتۋىنشا, جۇقپالى اۋرۋلار اۋرۋحاناسىنداعى تٶسەك سانى 412-گە كٶبەيتٸلٸپ, 1 550 بٸرلٸكتٸ قۇرايدى.
وبلىستاعى اۋرۋشاڭدىقتىڭ جوعارىلاۋىنا بايلانىستى كارانتين رەجيمٸ كٷشەيتٸلدٸ.
مەكتەپكە دەيٸنگٸ ۇيىمداردىڭ, قوعامدىق تاماقتانۋ وبەكتٸلەرٸنٸڭ, دٸني بٸرلەستٸكتەردٸڭ, قوعامدىق مونشا مەن كٶلٸكتەردٸڭ جۇمىس كەستەسٸ ساعات 17.00-گە دەيٸن قىسقارتىلادى, ويىن-ساۋىق مەكەمەلەرٸ مەن مەيرامحانالاردىڭ جۇمىس كەستەسٸ 21.00-گە دەيٸن قىسقارادى. دەمالىس كٷندەرٸ وبلىستا بٷتٸندەي لوكداۋن ەنگٸزٸلەدٸ.
الماتى مەن وبلىس اراسىنداعى حالىقتىڭ كٶشٸ-قونىنىڭ جوعارى بولۋىنا بايلانىستى قالا ماڭىنداعى جامبىل, قاراساي, تالعار, ەڭبەكشٸقازاق, ٸلە اۋداندارىندا اۋرۋشاڭدىق كٶلەمٸنٸڭ ارتۋى بايقالادى. وسىعان بايلانىستى باس سانيتارلىق دەرٸگەرلەر شەكتەۋ شارالارىن كٷشەيتۋ تۋرالى جەكە قاۋلىلار قابىلدادى, - دەدٸ باتالوۆ.
