Alaiaqtardan saq bolyńyz!
Atap aitqanda, alaiaqtar azamattarǵa Qor atynan menshikke berý kepildigi týraly jáne jyljymaityn múlikke menshik quqyǵyn tirkeý týraly jalǵan kepildik hattar berýmen ainalysqan.
Osyǵan bailanysty, Qor qandai da bir kepildik hattardy berýdi júzege asyrmaitynyn málimdeimiz. Qor "7-20-25" jáne "Baspana hit" ipotekalyq turǵyn úi baǵdarlamalarynyń (budan ári – Baǵdarlamalar) operatory bolyp tabylady jáne osy baǵdarlamalar aiasynda tek banktermen ózara qarym-qatynas jasaidy. Qor jeke tulǵalarmen jumys istemeidi, qurylys salasyna aralaspaidy jáne óz balansynda jyljymaityn múlik ustamaidy.
Azamattardy qyraǵy bolýǵa shaqyramyz. Eger belgisiz jandar sizge Qor atynan qandai da bir hattar, anyqtamalar bergenine kýá bolsańyz, dereý quqyq qorǵaý organdaryna habarlasýyńyzdy suraimyz.
Suraqtar men kúdik týyndaǵan jaǵdaida +7 (727) 227-20-25 nómiri boiynsha Qordyń call-ortalyǵyna habarlasýyńyzdy suraimyz (operatormen qosylý úshin 0-di terińiz).
