Qazaqstandaǵy aqparattyq keńistikte dipfeik tehnologiiasymen jasalǵan jalǵan videolardyń jańa tolqyny taralýda. Bul joly alaiaqtar internet jelisinde Qazaqstan Premer-Ministriniń orynbasary – Syrtqy ister ministri Murat Nurtileýdiń beinesi men daýsyn qoldan jasap, jalǵan video taratqan,- dep habarlaidy Dalanews.kz
Videoda ministrdiń Resei áýe kemeleriniń erkin ushýy «tolyq zańdastyryldy» dep málimdegeni kórsetilgen. Sonymen qatar videoda otandyq jýrnalistiń de osy sheshimdi qoldaityny kórsetilgen. Alaida bul aqparat shyndyqqa janaspaidy.
Vitse-premerdiń atynan jariialanǵan bul feik videoǵa bailanysty quzyrly organdar resmi túrde túsinikteme berip, mundai jalǵan aqparattarǵa senbeýge jáne tekserilmegen derekkózderden taralǵan málimetterdi bólispeýge shaqyrdy.
Atalǵan videoǵa qatysty jýrnalist te óz pikirin bildirip, mundai manipýliatsiialarǵa tań qalǵanyn jetkizdi:
«Bul videoǵa sensek, men endi jai jýrnalist emes, halyqaralyq sheshimderge yqpal etetin adam ekenmin», – dep jazdy Ǵaziza Raiymbek áleýmettik jelidegi paraqshasynda.
Quzyrly organdar azamattardy aqparat tutynýda saq bolýǵa, tek resmi jáne senimdi derekkózderge júginýge shaqyrady.
