Tursyn Aian Qyzdar ýniversitetiniń maqtanyshy sanalatyn ol taekvondodan, ýshý-sandadan jáne jekpe-jekten sport sheberi, tatamiden bes dúrkin Qazaqstan chempiony. Sonymen qatar, 2008 jyly Iakýtiiada ótken «Aziia balalary» atty halyqaralyq sport oiyndarynyń, Qazaqstan chempionatynyń (2014) jáne Konfederatsiia Kýbogynyń (2014) qola júldegeri. 2010 jyly Almatyda ótken Jastar oiyndarynyń jáne 2012 jyly ótken Áielder spartakiadasynyń kúmis júldegeri. 2013 (Aqtóbe) jáne 2014 (Almaty) jyldary Stýdentter arasyndaǵy jarystyń Qazaqstan chempiony atanǵan.
Qyzdar ýniversitetiniń 1 kýrs stýdenti Tursyn Aian qazirgi tańda «Dene shynyqtyrý jáne sport» mamandyǵy boiynsha bilim alýda. Ol 1994 jyly 23 tamyzda Almaty qalasynda dúniege kelgen. 2004 jyldan bastap taekvondomen ainalysa bastaǵan. Alǵashqy bapkeri Úsikbaev Erhan Tóleýuly. Ol Almaty qalasy «Shańyraq» yqsham aýdanyndaǵy daryndy balalarǵa arnalǵan sport mektep-internatynyń túlegi.
– 4 synyptan bastap sportpen ainalysyp kelemin. Sport meniń ómirlik serigim. Tuńǵysh ret elimizde ótkizilip otyrǵan Ýniversiadada elimizdiń belgili tulǵalary men myqty sportshylardyń qatarynda Alaýdy alyp júrý men úshin úlken mártebe. Óte qýanyshtymyn. Ony sózben aityp jetkizý múmkin emes, – dedi alaý ustaǵan Tursyn Aian.
Aita keteiik, taý shańǵy sporty boiynsha Ýniversiadada Mariia Grigorovamen birge el namysyn Martin Hýber, Sergei Danov, Zahar Kýchin, Aleksandr Kostrov, Aleksei Sysoev, Ekaterina Karpova qorǵaityn bolady.
– Jaqynda ǵana Shymbulaqta ótken testtik jarysta jaqsy nátije kórsettim. Eki ret berilgen múmkindikte joldy óte jaqsy ótip, 9 sportshynyń arasynda birinshi jáne ekinshi keldim. Jarysqa 100 paiyz daiynmyn desem bolady. Ýniversiadada barymdy salatyn bolamyn jáne jaqsy nátije kórsetýge barynsha tyrysamyn, – deidi Mariia Grigorova óz jankúieri Qyzdar ýniversitetine úlken sálemin joldap.
«Qyzdar ýniversiteti» media ortalyǵy
