Ulttyq olimpiada komitetiniń tóraǵasy Gennadii Golovkin bokstan kúmis júldege ie bolǵan Nurbek Oralbaiǵa qoldaý kórsetip, jazba jariialady, dep habarlaidy Dalanews.kz.
“Kúmis qutty bolsyn! Alar asýyń áli alda. Eńseńdi biik usta, batyr. Óz tájiribemnen bári alda ekenin aita alamyn”, - dep jazdy ol óziniń instagram paraqshasynda.
Eske salaiyq, qazaqstandyq boksshy Nurbek Oralbai Parijde ótken 2024 jylǵy Olimpiada oiyndarynda kúmis medal jeńip aldy.
Bul týraly Ulttyq Olimpiada komiteti habarlady.
Ol 80 kelige deiingi salmaq dárejesinde ekinshi orynǵa ie boldy. Finalda Oralbai Ýkrainadan kelgen Aleksandr Hijniakpen jekpe-jekke shyqty. Birinshi raýndta qarsylasy 3:2 esebimen jeńiske jetti. Ekinshi úsh minýttyqta Nurbek 3:2 esebimen basym boldy. Alaida, sheshýshi raýndta ýkraindyq sportshy 5:0 esebimen jeńiske jetip, jekpe-jekte tóreshilerdiń bólingen sheshimimen jeńimpaz atandy.
