Jiynda SOBR aǵa inspektory Aigúl Nurmuhanova 4 jáne 5 qańtarda bolǵan oqiǵalarǵa toqtaldy. Onyń aiǵaǵy sol oqiǵalarǵa tikelei qatysýy týraly boldy.
Ol sóziniń sońynda general-maior Kúdebaev 5 qańtarda tártipsizdikter bolyp jatqan Taldyqorǵannyń ortalyq alańynda qyzmetkerlerimen birge bolǵanyn aitty.
"General jaraly bolsa da politsiiamen jáne bizdiń sarbazdarmen (SOBR) iyq tirestirip turdy. Osydan keiin men ony odan saiyn qurmetteimin!", - dedi Aigúl Nurmuhanova.
Advokattyń: «Beibit turǵyndardyń jáne sodyrlardyń qaida ekenin qalai anyqtadyńyz?» degen naqtylaý suraǵyna kapitan Nurmuhanova bylai jaýap berdi:
«Aldynda áielder men balalar, al artynda bir top er adamdar turdy. Olardyń ratsiialary men shabýylǵa arnalǵan quraldary boldy».
Serik Kúdebaevtyń sózinshe, 5 qańtarda ol basynan eki jaraqat (taspen soqqy) jáne aiaǵynyń jyrtylǵan jaraqatyn alǵan.
Sot otyrysynyń ekinshi bóliginde SOBR inspektory, kýáger Nurlan Qasymjomartulynan jaýap alyndy. Ol 2022 jyldyń 5 qańtarynda Taldyqorǵannyń ortalyq alańynda Kúdebaevtyń bolǵanyn rastady.
SOBR aǵa leitenanty memlekettik tilde kýálik berdi.
"Kóptegen tártipsiz adamdar agressivti minez-qulyq tanytyp, tastardy, armatýrany, basqa da qoldan jasalǵan quraldardy qoldanyp, bizdi Abai jáne Aqyn Sara kóshelerinen itermelei bastaǵanda, SOBR komandiriniń orynbasary Arai Imanbaevtan generaldy qorǵaý týraly buiryq keldi. Ol alańnyń qaq ortasynda, shyrshanyń janynda boldy.
Bul kezde ol taspen atqylanyp, basy men betinen qan aǵyp jatty. Arai Imanbaev (SOBR komandiriniń orynbasary) ony halyq arasynan shyǵaryp, bizge tapsyrdy", - dedi Nurlan Qasymjomartuly.
Dál osyndai aqparatty basqa da suralǵan kýágerler – SOBR inspektory Qanat Ábdiraiymov pen vzvod komandiri Rýslan Tústikbaev rastady.
Olar sondai-aq jinalǵandar arasynda agressivtiliktiń tez óskenin, improvizatsiialanǵan quraldardan basqa, tútin bombalaryn qoldana bastaǵanyn atap ótti. Kóbiniń qolynda ratsiialar boldy, olar 2022 jyldyń 5 qańtarynda alańda bolǵan áielder men balalardyń qalqanyndai jasyrynyp, artta qaldy.
2022 jyldyń 13 mamyrynda Almaty oblysy politsiia departamentiniń burynǵy basshysy Serik Kúdebaev qańtar oqiǵasy boiynsha kúdikti dep tanylǵany belgili boldy.
Bas prokýratýra onyń «aýyr zardaptarǵa ákep soqqan qyzmettegi áreketsizdik» degen kúdikke ilingenin habarlady.
Buǵan deiin Almaty oblysy politsiia departamentiniń eks-basshysy Serik Kúdebaevtiń Qańtarda departament ǵimaratyn tastai qashqan videosy taralǵan. Tolyǵyraq myna jerde: https://t.me/dalainside/1041
erekkóz: Zakon.kz.
