Bul týraly Shyǵys Qazaqstan oblysynda týrizmdi damytý máseleleri jóninde ótken keńeste aimaq basshysy Danial Ahmetov aitty.
Ákim Shyǵys Qazaqstan tabiǵi jáne mádeni kórikti jerleri men saýyqtyrý demalys oryndar sany boiynsha jetekshi oblystardyń biri ekenin atap ótti. Sondyqtan, aimaqtaǵy týrizmdi damytý eń mańyzdy másele retinde kún tártibinen túspeidi.
Bizdiń oblystyń injý-marjany – Alakól. Qazir onda sý túbin tazartý jumystary júrgizilip, qutqarýshylar men politsiia kezekshilik etýde. Osy maýsymda 163 qonaq úi men demalys bazalary demalýshylarǵa qyzmet kórsetetin bolady. Olardyń 94-i "ASHYQ" júiesin qosqan. 900 qyzmetkerdiń 80%-y koronavirýsqa qarsy ekpe saldyrdy. Ótken jyldaǵydai Alakóldi COVID-19 erkin aimaǵyna ainaldyrǵymyz keledi. Esterińizge sala keteiin, 2020 jyly jaǵalaýda birde-bir infektsiia tirkelgen joq, - dedi D.Ahmetov.
Sondai-aq, ol 17 maýsymnan bastap Alakólge deiin Almaty, Nur-Sultan, Semei jáne Óskemen qalalarynan qosymsha poiyzdar qatynaityn bolady. Tasymaldaýshy vagondar sany 61-ge deiin kóbeitildi, avtobýstardyń da sany artty. Al, áýejaidaǵy qaita jóndeý jumystary aiaqtalǵan soń ushý-qoný jolaǵynyń uzyndyǵy eki shaqyrymnan asady. Keiin Úrjar áýejaiy Embraer tipti úlken ushaqtardy da qabyldai alatyn bolady.
