Abai oblysynyń ákimi Berik Ýáli óńirdegi týrizmdi damytý máselelerine arnalǵan jiynda Alakól jaǵalaýyna arnalǵan bas jospardy ázirleýdi tapsyrdy, dep habarlaidy Dalanews.kz.
Jiynda týrizm, sáýlet, qala qurylysy jáne jer qatynastary, energetika jáne TKSh, qurylys pen tsifrlyq tehnologiialar basqarmalarynyń basshylary biylǵy shomylý maýsymynyń qorytyndysyn shyǵardy.
Jaǵalaýdy abattandyrýǵa sońǵy ret 2018 jyly jóndeý kórgen aýmaqqa oblystyq biýdjetten 658 mln teńge bólindi. Bul qarajatqa Arbatqa jóndeý júrgizildi, 25 sheshinetin kabina, 50 qoqys konteineri, ájethanalar ornatyldy, úsh pirs paidalanýǵa berildi, jańa qoǵamdyq aimaqtyń qurylysy aiaqtaldy.
“Bizdiń óńirdiń týristik áleýeti zor, ásirese Alakól jaǵalaýynyń mańyzy erekshe. Degenmen biyl Memleket basshysy birqatar kemshilikterge nazar aýdaryp, eskertý jasady. 2026 jyly ol olqylyqtardy qaitalamaýymyz kerek. Ol úshin júieli jospar, tiimdi baqylaý jáne barlyq jaýapty organdardyń úilesimdi jumysy qajet. Sondyqtan daiyndyqty qazirden bastaýymyz tiis”, – dep atap ótti Berik Ýáli.
Ákim Alakól jaǵalaýynda jumys toby qurylyp, 2026 jylǵy maýsymǵa daiyndyqtyń naqty algoritmi ázirlensin dep tapsyrdy. Sondai-aq kóldi kútip-ustaýǵa qarjyny aldyn ala qarastyrýdy, týristik-indýstriialyq aimaq jobasyn daiyndaýdy jáne qutqarýshy qaiyqtar men qyzmetkerler sanyn arttyrý boiynsha usynys engizýdi mindettedi.
