Alakól aýdany ákiminiń burynǵy orynbasary Muhametkaliev Qýandyq Ospanuly 5 jylǵa bas bostandyǵynan aiyryldy, dep habarlaidy Dala News.
Sot sheshimi Alakól aýdanyna qarasty Arharly aýylyna elektr jelisin tartý kezinde jiberilgen zańbuzýshylyqtarǵa bailanysty shyqqan. Tergeý materialdaryna sáikes, infraqurylymdyq jobany iske asyrý barysynda birqatar talaptar saqtalmaǵan.
Qazirgi ýaqytta sottalǵan azamat densaýlyǵyna bailanysty aýrýhanada em qabyldap jatyr.
Aiyptalýshy tarap úkimmen kelispeitinin málimdedi. Qorǵaýshysy sot aktisine apelliatsiialyq shaǵym túsirip, isti joǵary satydaǵy sotta qaita qaraýǵa nietti ekenin habarlady.
Aldaǵy ýaqytta istiń taǵdyry apelliatsiialyq sottyń sheshimine bailanysty bolmaq.
