Búginde ulttyq meiramymyz erekshe formatta ulyqtalyp jatyr. Aita keteiik, dýmandy meiramdy atap ótý barysynda 14 naýryz kórisý kúninen bastap, aýdanǵa qarasty 24 aýyldyq okrýgte is – sharalar uiymdastyrylyp ótkizildi. Sharalardyń legi: aýdandyq jastar resýrstyq ortalyǵynyń «Bulaq kórseń kózin ash», aýdandyq Z.Qoishybaeva atyndaǵy mádeniet úiiniń «Shejire kúnine» orai «Shejireden syr shertý», «Ana tili arýy» baiqaýy men aýdandyq kitaphananyń «Alashtyń aqmańdai erleri» atty birqatar is – shara ótkizildi.
Qaiyrymdylyq jasaý qanyna bitken Alakóldik azamattar Táýelsizdiktiń 30 jyldyǵy aiasynda 18 naýryz «Igi ister» kúnine orai qaiyrymdylyq aktsiiasyn uiymdastyrdy. Qoly ashyq, jomart jandar aýdanymyzdaǵy áleýmettik osal toptaǵy az qamtylǵan jáne kóp balaly 75 otbasyna kómek kórsetti. Artynsha, «Alakól arýy» baiqaýy ótti. Atalǵan is – sharalar álide óz jalǵasyn tabady. Shara «Aialy alaqan», «Asar» aktsiialary boiynsha júzege asady. Jergilikti atqarýshy organdardyń bólim basshylary, halyq qalaýlylary, kásipkerler men jastar bastaǵan top azyq – túlik sebetterin úidi – úige aparyp, Ulystyń Uly kúni naýryz meiramymen aýdan turǵyndaryn quttyqtap qaitty.
«Naýryz merkesine orai uiymdastyrylǵan «Aialy alaqan», «Asar» aktsiialaryna barlyq bólim – mekeme basshylary, máslihat depýtattary, jeke kásipkerler men jastar múmkindigi shekteýli azamattarǵa, az qamtylǵan kóp balaly otbasylarǵa jalpy sany 75 adamǵa kómek kórsetti. Ár bólimniń mekeme basshylary azyq – túlikke toly sebetterdi óz qarajattaryna satyp aldy. Jalpy is – sharaǵa 1.5 mln.teńge qarajat jumsalyndy»,-deidi aýdandyq jumyspen qamtý jáne áleýmettik baǵdarlamalar bóliminiń basshysy A. Sadirbekova.
Sharapatty sharanyń negizgi maqsaty igi ister ideiasyn nasihattaý bolyp tabylady. Halyq arasynda «Jaqsynyń jaqsylyǵyn ait nury tasysyn»,-degen ataly sóz bar. Sol sebepti, «Jaryssaq jaqsylyq jasap jarysaiyq!»,- degen urandy jalaý etken qaiyrymdy jandar igi isterdi kóbirek jasaýǵa shaqyrady. Al jalǵyz basty zeinetker Valentina Degtiareva óz kezeginde jomarttyq tanytyp, mereke qarasańynda kútpegen syilyq jasaǵan qaýymǵa alǵys aityp, rizashylyǵyn bildirdi. Qolǵa alǵan igi bastamalaryna sáttilik tiledi. Zeinetkerimizdiń aitýynsha, óńirimizde qaiyrymdy adamdardyń kóp bolǵany kóńil qýantady.
Alakól aýdanynyń baspasóz qyzmeti
