2019 jyly Iýldýz Turaeva kásip bastaý nietimen Almaty oblysynyń Kásipkerler palatasyna júginip, kásipkerlik negizderi boiynsha «Bastaý Biznes» oqytý jobasyna jazyldy. Oqytý barysynda Iýldýz toqyma buiymdaryn shyǵarý jobasyn ázirledi. Nátijesinde joba «Jas kásipker» baǵdarlamasy aiasynda 500 000 teńge kóleminde grantqa ie boldy.
«Jastaiymnan tigin isimen ainalysýdy armandaitynmyn. Basynda hobbi retinde qaradym. Úi ishi men týystaryma jiyntyqtar jasap júrdim. Osydan keiin men bul hobbidi jeke kásipke ainaldyrýdy sheshtim. «Atamekenniń» Alakól aýdandyq filialy tarapynan maǵan biznesti ashý jáne damytý úshin jan-jaqty qoldaý kórsetildi. Qazir biz toqyma ónimderiniń 20-dan astam túrin shyǵaramyz. Ónimder tek bizdiń aýdanda ǵana emes, kórshiles aýdan men qalalarda da úlken suranysqa ie», - deidi jas kásipker.
Granttyq qarjylandyrýǵa Iýldýz Týraeva zamanaýi tigin jabdyqtaryn satyp alǵan. Ónimder «Baby comfort» brendimen «Shonjyda jasalǵan» markasymen shyǵarylady.
Qazirgi tańda tigin tsehynda jeti adam jumys isteidi. Olar barlyq túrdegi toqymanyń 25 túrin jasaidy. Onyń ishinde qalyńdyqtyń jasaýy, perzenthanadan shyǵarý rásimine arnalǵan jiyntyq, ár túrli jastaǵy balalar men as úige, tósek-oryn, qonaq bólmege arnalǵan jiyntyqtar, júk kólikterine arnalǵan perdeler, qyz – kelinshekter men jańa týǵan nárestelerge arnalǵan kiimder jáne t.b. jiyntyqtardy aitýǵa bolady.
Osy jyly kásipker óndiris kólemin arttyrý maqsatynda qosymsha jabdyqtar satyp alyp, jobany keńeitýdi josparlap otyr.
Qasiet ARSTAN,
Alakól aýdany ákiminiń
baspasóz-hatshysy
