«جاستايىمنان تىگىن ىسىمەن اينالىسۋدى ارماندايتىنمىن. باسىندا حوببي رەتىندە قارادىم. ءۇي ءىشى مەن تۋىستارىما جيىنتىقتار جاساپ ءجۇردىم. وسىدان كەيىن مەن بۇل ءحوببيدى جەكە كاسىپكە اينالدىرۋدى شەشتىم. «اتامەكەننىڭ» الاكول اۋداندىق فيليالى تاراپىنان ماعان بيزنەستى اشۋ جانە دامىتۋ ءۇشىن جان-جاقتى قولداۋ كورسەتىلدى. ءقازىر ءبىز توقىما ونىمدەرىنىڭ 20-دان استام ءتۇرىن شىعارامىز. ونىمدەر تەك ءبىزدىڭ اۋداندا عانا ەمەس، كورشىلەس اۋدان مەن قالالاردا دا ۇلكەن سۇرانىسقا يە»، - دەيدى جاس كاسىپكەر.
گرانتتىق قارجىلاندىرۋعا يۋلدۋز تۋرايەۆا زاماناۋي تىگىن جابدىقتارىن ساتىپ العان. ونىمدەر «Baby comfort» برەندىمەن «شونجىدا جاسالعان» ماركاسىمەن شىعارىلادى.
قازىرگى تاڭدا تىگىن سەحىندا جەتى ادام جۇمىس ىستەيدى. ولار بارلىق تۇردەگى توقىمانىڭ 25 ءتۇرىن جاسايدى. ونىڭ ىشىندە قالىڭدىقتىڭ جاساۋى، پەرزەنتحانادان شىعارۋ راسىمىنە ارنالعان جيىنتىق، ءار ءتۇرلى جاستاعى بالالار مەن اس ۇيگە، توسەك-ورىن، قوناق بولمەگە ارنالعان جيىنتىقتار، جۇك كولىكتەرىنە ارنالعان پەردەلەر، قىز – كەلىنشەكتەر مەن جاڭا تۋعان نارەستەلەرگە ارنالعان كيىمدەر جانە ت.ب. جيىنتىقتاردى ايتۋعا بولادى.
وسى جىلى كاسىپكەر ءوندىرىس كولەمىن ارتتىرۋ ماقساتىندا قوسىمشا جابدىقتار ساتىپ الىپ، جوبانى كەڭەيتۋدى جوسپارلاپ وتىر.
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
