Ótken jylǵy kórsetkishpen salystyrǵanda turǵyn úi kezegine turý 13% - ǵa ósken. Qazirgi tańda, qurlystyń jobalyq smetalyq qujaty ázirlenýde. Turǵyn úidiń ishki alańy 2136 sharshy metrdi qurasa, jalpy qurlys aýdany 3646,8 sharshy metrdi quraityn qurlys jumystaryn bastaý josparlanýda.
«Nurly jer» baǵdarlamasy aiasynda salynatyn zamanaýi nysannyń jalpy quny 766, 440 mln. teńgeni quraidy. Munda bir bólmeli páterdiń paidalaný alańy 38, 3 sharshy metrdi qurasa, eki bólmeli páterdiń paidalaný alańy 59,8 sharshy metr, úsh bólmeli páterdiń paidalaný alańy 65,3 sharshy metrdi quraidy. Baǵdarlama aiasyndaǵy kóp qabatty turǵyn úidiń qurlys jumystaryna 50 – ge jýyq jumysshy tartylmaq.
Sonymen qatar, zamanaýi úlgide boi kóteretin turǵyn úi kesheniniń ainalasyn retke keltirý maqsatynda abattandyrý jáne kógaldandyrý jumystary da qosa jasalynbaq. Jaldamaly 60 páterli turǵyn úidi sapaly túrde jylýmen qamtý maqsatynda Úsharal qalasynda ornalasqan jylý qazandyǵyna iske qosý josparlanýda. Nysan jumystary keler jyly tolyǵymen aiaqtalyp, aýdan jurtshylyǵynyń igiligine beriletin bolady.
Alakól aýdanynyń baspasóz qyzmeti
