وتكەن جىلعى كورسەتكىشپەن سالىستىرعاندا تۇرعىن ءۇي كەزەگىنە تۇرۋ 13% - عا وسكەن. قازىرگى تاڭدا، قۇرلىستىڭ جوبالىق سمەتالىق قۇجاتى ازىرلەنۋدە. تۇرعىن ءۇيدىڭ ىشكى الاڭى 2136 شارشى مەتردى قۇراسا، جالپى قۇرلىس اۋدانى 3646،8 شارشى مەتردى قۇرايتىن قۇرلىس جۇمىستارىن باستاۋ جوسپارلانۋدا.
«نۇرلى جەر» باعدارلاماسى اياسىندا سالىناتىن زاماناۋي نىساننىڭ جالپى قۇنى 766، 440 ملن. تەڭگەنى قۇرايدى. مۇندا ءبىر بولمەلى پاتەردىڭ پايدالانۋ الاڭى 38، 3 شارشى مەتردى قۇراسا، ەكى بولمەلى پاتەردىڭ پايدالانۋ الاڭى 59،8 شارشى مەتر، ءۇش بولمەلى پاتەردىڭ پايدالانۋ الاڭى 65،3 شارشى مەتردى قۇرايدى. باعدارلاما اياسىنداعى كوپ قاباتتى تۇرعىن ءۇيدىڭ قۇرلىس جۇمىستارىنا 50 – گە جۋىق جۇمىسشى تارتىلماق.
سونىمەن قاتار، زاماناۋي ۇلگىدە بوي كوتەرەتىن تۇرعىن ءۇي كەشەنىنىڭ اينالاسىن رەتكە كەلتىرۋ ماقساتىندا اباتتاندىرۋ جانە كوگالداندىرۋ جۇمىستارى دا قوسا جاسالىنباق. جالدامالى 60 پاتەرلى تۇرعىن ءۇيدى ساپالى تۇردە جىلۋمەن قامتۋ ماقساتىندا ءۇشارال قالاسىندا ورنالاسقان جىلۋ قازاندىعىنا ىسكە قوسۋ جوسپارلانۋدا. نىسان جۇمىستارى كەلەر جىلى تولىعىمەن اياقتالىپ، اۋدان جۇرتشىلىعىنىڭ يگىلىگىنە بەرىلەتىن بولادى.
الاكول اۋدانىنىڭ باسپا ءسوز قىزمەتى
