Almatydaǵy úsh adamnyń ómirin qiǵan rezonansty jol-kólik oqiǵasyna bailanysty jaýapqa tartylǵan politsiia qyzmetkerine qatysty qylmystyq is toqtatyldy, dep habarlaidy dalanews.kz.
Ishki ister ministrliginiń málimetinshe, qyzmettik ókilettigin teris paidalaný babymen júrgizilgen sotqa deiingi tergeý 3 maýsymda qylmystyq quqyq buzýshylyq quramynyń bolmaýyna bailanysty jabylǵan.
Eske salaiyq, biyl naýryz aiynda Almatynyń ál-Farabi dańǵylynda jantúrshigerlik jol apaty bolyp, úsh adam qaza tapqan edi. Oqiǵadan keiin politsiia basshylyǵynyń apatqa qatysy bar-joǵy jáne kináli júrgizýshige qandai da bir qoldaý kórsetilgen-kórsetilmegeni tekserildi.
Keiin birqatar qylmystyq is qozǵalyp, birneshe laýazymdy tulǵa qyzmetinen bosatyldy. Al negizgi kúdiktige qatysty tergeý aiaqtalyp, is sotqa joldanǵan.
