Almatyda ál-Farabi dańǵylyndaǵy jol apatyna bailanysty basty sot otyrysy bastaldy, dep habarlaidy dalanews.kz.
Kúdikti Aleksandr Pak sot zalyna kelmedi. Ol onlain qatysyp otyr. Sebebi sýdia aldyn ala tyńdaýda taraptardyń ótinishi boiynsha protsesti gibrid formatta ótkizý týraly sheshim shyǵarǵan bolatyn.
Sonymen qatar, jábirlenýshi tarap ta protseske onlain qatysyp otyr.
Is Almaty qalasynyń qylmystyq ister jónindegi mamandandyrylǵan aýdanaralyq sotynda qaralyp jatyr.
Eske salaiyq, qaiǵyly jol apaty 21 naýryzǵa qaraǵan túni bolǵan. Apat saldarynan Mercedes kóliginiń júrgizýshisi men 20 jáne 22 jastaǵy eki qyz kóz jumdy.
Al Zeekr kóligin basqarǵan júrgizýshi mas kúide bolǵany anyqtalǵan.
Aita keteiik, Almatyda Ál-Farabi dańǵylynyń boiyna arnaiy jol qorshaýlaryn ornatý týraly petitsiiajariialanǵan bolatyn. Qujat Almaty qalasy ákiminiń apparatyna joldanǵan.
