Almaty oblysy Eńbekshiqazaq aýdanynyń ákimdigi Sherzat Polattyń ákesi Qarjaýbai Nurymovqa ýáde etken úidi áli bermegen. Bul týraly Nurymovtyń ózi bloger Jan Ahmadievke bergen suhbatynda aitty, dep habarlaidy Dalanews.kz.
Blogerdiń sózinshe, qazirgi ýaqytta órtengen úidiń ornynda jańa irgetas qalanǵan. Ony ákimdik emes, Qarjaýbai Nurymovtyń ózi quiǵan.
"Ózderińiz túsingenderińizdei endi Qarjaýbaiǵa eshkim úi salyp bermeidi", - deidi Jan Ahmadiev.
Qazaqstandyqtar Qarjaýbai Nurymovqa úi alyp berýge qarjylai kómek berýge daiyn ekenin jazyp jatyr.
"Osy otbasy úshin bar jan tánimmen sbor jinaýǵa atsasylaysamyn".
"Talǵardan emes, basqa jaqtan úi alsa jaqsy bolar edi".
"Astanaǵa kóshse eken, sbor ashaiyq 1 -aq kúnde".
"Sbor ashaiyq, sonymen biz de tynysh bolaiyq, basqa qalaǵa ketse eken!", - deidi qazaqstandyqtar.
Eske salaiyq, 5 mamyrda 16 jastaǵy jasóspirim Sherzat Bolattyń ólimi boiynsha aiyptalýshylarǵa sot úkimi shyqty.
Aiyptalýshylar oryndyǵynda toǵyz adam otyrdy, olardyń biri kámeletke tolmaǵan.
- Azamat Toqtaýbaev 15 jylǵa bas bostandyǵynan aiyryldy.
- Nurqiias Iliiasov 9 jylǵa bas bostandyǵynan aiyryldy.
- Shyńǵys Belǵojaev 7 jylǵa bas bostandyǵynan aiyryldy.
- Darhan Áskentai 7 jylǵa bas bostandyǵynan aiyryldy.
- Didar Qaliahmet 7 jylǵa bas bostandyǵynan aiyryldy.
- Nurbol Toqtaýbaev 7 jylǵa bas bostandyǵynan aiyryldy.
