Laýazymdy qyzmetter atqarǵan memleket qairatkeri, Shymkenttiń eks-ákimi Amalbek Tshan qazirgi tótenshe jaǵdaiǵa qatysty pikir bildirdi, - dep habarlaidy Dalanews.kz.
Amal Tshannyń sózinshe, qazir kóp sheneýnik kózboiaýshylyqpen ainalysyp júr.
"Burynǵy Elbasyǵa kóp qarsy áńgime aitatyn adam emespin. Ol kisiniń qaramaǵynda jumys istedim. Biraq óz ómir jolym bar. Basqalardyń óz ómir joly bar. Biraq sonyń otbasynyń alǵan milliardtarynyń bári kórinip otyr ǵoi. Nege shara qoldanbaidy?! Qazir sý tasqyny bolyp jatyr. Qabyrǵasynan kún kórip otyrǵan halyq tiyn-tebenderin jinap, bireýge jany ashyp otyr.
Popýlistik nárse ǵoi bizde. Keshe bir ministr, atyn aitpai-aq qoiaiyn, toǵandy toqtatýǵa aralasyp júr. Sony teledidarǵa túsirip kórsetip jatyr. Bul - aqymaqtyq áńgime. Ministrdiń jumysy uiymdastyrsyn sony. Ministr, ákim - uiymdastyrýshy. Ol qolyna kúrek, etik alyp júrgennen ózgerip qalatyn eshteńe joq. Onyń bári - ásheiin kózboiaýshylyq. Ákimderimiz halyqpen kezdesýge qorqady", - dedi ol.
Óńirlerdegi sý tasqynynan keiin áleýmettik jelilerde "Eski Qazaqstannyń urany" qylań berdi. Tipti "shal kel" degen sózder de aityla bastady. Amalbek Tshan buǵan qatysty kózqarasyn aitty.
"Nazarbaevtyń bir sózi bar: "Áli kóresińder, eshe hýje býdet". Ózine orynbasar (etip - esk.) qaldyrǵan Toqaev týraly aitty ma, joq barlyq júieni ózine baǵyndyryp, halyqtyń bárin jalańash qylyp ketkeni týraly aitty ma?! Áiteýir aitty ǵoi. ...Kelýi (Eski Qazaqstannyń kelýi - esk.) tolyq múmkin. Sebebi Eski Qazaqstandaǵylardyń báriniń qarajaty kóp. Bári bai, milliardtardyń bári solardyń qaltasynda", - deidi memleket qairatkeri.
Sonymen qatar, ol sailaý júiesindegi olqylyqtar týraly da pikir bildirdi.
"Taza reforma qalai bolýy kerek?! Eń birinshi reforma jasaý úshin sailaý zańy ózgerýi kerek. Sailaý zańynda halyq árbir útir, núkteni kórip otyrýy kerek. Kimde-kim sailaý zańyn buzsa, halyq jaýy dep atý kerek. Halyqqa qastandyq jasaǵan adam dep.
Sailaý zańynyń solai bolmaǵandyǵynyń arqasynda halyqtyń beishara bolyp otyrǵany. ...Kezinde 4 ret depýtat boldym ǵoi. Jurt baryp bir qap un aparyp, 1-2 keli qant, 1 keli shai aparyp berip, daýys aldy. Sonda daýys bergen halyq qoi. Ol jamandyqtan bergen joq, onyń jaǵdaiy joq", - dedi saiasatker.
