Kólik prokýratýrasynyń tekserisinen keiin jolaýshylar tasymalyna qatysty konkýrstyq rásimderde zańbuzýshylyqtarǵa jol bergen 10 laýazymdy tulǵa tártiptik jaýaptylyqqa tartyldy, dep habarlaidy dalanews.kz.
Kólik prokýratýrasy turaqty oblysaralyq, qalaaralyq jáne aýdanishilik jolaýshylar tasymaly baǵyttaryna qyzmet kórsetý quqyǵyn berý boiynsha ótkizilgen konkýrstardyń zańdylyǵyna taldaý júrgizgen.
Tekserý barysynda birqatar óńirde konkýrstyq rásimderdi uiymdastyrý kezinde qatysýshylarǵa zańsyz kedergiler jasalǵany anyqtaldy. Sonymen qatar keibir tasymaldaýshylarǵa negizsiz artyqshylyqtar berilgen.
Prokýratýra mundai áreketter zańnama talaptary men adal básekelestik qaǵidattarynyń buzylýyna ákelgenin anyqtady.
Prokýrorlyq qadaǵalaý aktileriniń nátijesinde 10 laýazymdy tulǵa, onyń ishinde oblys ákiminiń orynbasary jáne jergilikti atqarýshy organdardyń birqatar basshysy tártiptik jaýaptylyqqa tartyldy.
Olarǵa qyzmetine tolyq sáikes emestigi týraly eskertý jasaldy. Qalǵan laýazymdy tulǵalarǵa sógis túrindegi tártiptik jaza qoldanyldy.
Jolaýshylar tasymaly salasyndaǵy zańdylyq pen ashyqtyqty qamtamasyz etý boiynsha jumys jalǵasyp jatyr.
