Ákim men aqyn kezdesti
Kezdesý barysynda óńir basshysy halyq jazýshysynyń qazaq ádebietine qosqan súbeli úlesin erekshe atap ótti.
– Sizdi ótken ǵasyrdan jaqsy tanimyz. Biz sizdiń óleńderińizdi oqyp óstik. Áli esimde 1986 jyly Máskeýde ótken shyǵarmashylyq keshińizge de kýá bolǵan edim. Sol jyldary Máskeýdiń tórinde jeke kesh ótkizýińizdiń ózi úlken erlik edi. Odan keiingi jyldary Jeltoqsan oqiǵasyna bailanysty talai bastamalar kóterip, halyqtyń máselesin jetkizip júrdińiz. Bul sizdiń tek aqyndyǵyńyz ǵana emes, adami otansúigishtik qasietińizdiń aiqyn kórinisi. Siz Ońtústiktiń maqtanyshysyz, biz sizben maqtanamyz, qazaq ádebietiniń abyzy retinde elimizge orasan zor eńbek sińirip kelesiz, – dedi Janseiit Qanseiituly.
Jazýshy shyǵarmalarynyń negizgi tuǵyrnamasy – adamdyq pen adaldyqty, ádildikti, tazalyqty asqaqtatý arqyly ezdikti, aramdyqty, zulymdyqty adamzat balasynyń bolmysyna qarsylyqty qasietter retinde áshkereleý bolyp tabylady.
Qazaq ádebieti men óneriniń damýyna súbeli úles qosqan aqynnyń «Everestke shyǵý», «Jalyn», «Dostyq ólkesiniń zańy», «Órkeniettiń adasýy», «Shyńǵyshannyń pendelik qupiiasy» atty shyǵarmalary elimizdiń taza ulttyq rýhynan tynys alǵan kúrdeli týyndylar retinde álem ádebietiniń qataryna qosyldy.
Aita keteiik, búgin Elbasynyń «Bolashaqqa baǵdar: rýhani jańǵyrý» maqalasy aiasynda J.Shanin atyndaǵy oblystyq akademiialyq qazaq drama teatrynda aqynnyń 75 jyldyq mereitoiyna orai «Álem tanyǵan aqyn» atty shyǵarmashylyq keshi uiymdastyrylmaq. Teatrdyń foesine Muhtar Shahanovtyń 75 jyldyq mereitoiyna arnalǵan «Álem tanyǵan aqyn» atty kórme ornatylyp, oǵan aqynnyń kitaptary men aqyn jaiyndaǵy zertteýler men estelik maqalalary qoiylady.
OQO ákiminiń baspasóz qyzmeti
