Sonyń biri – Arys qalasynyń turǵyny Aleksei Radivil. Ol ótken jyly Arys qalasy ákimdigi «Halyqty jumyspen qamtý» ortalyǵyna jumyssyz retinde tirkelip, «Biznes bastaý» oqýyn oqýyp, memlekettik grantqa qatysý úshin «Et baǵytynda bordaqylaý kásibi» isi boiynsha biznes josparyn usynyp, jobany komissiia músheleriniń aldynda sátti qorǵap shyqqan.
Nátijesinde 400 AEK (1 225 200) kóleminde grantqa qol jetkizip, qarajatqa tórt bas buqa satyp alǵan. Onyń úsheýi – qazaqtyń etti aqbas siyry.
– Ákem bala kezimde mal bordaqylaýmen ainalysty. Ǵalamtordy aqtaryp, múiizdi iri qaranyń tolaiym tabysqa jeteleitinine kózim jetti. Qalalyq jumyspen qamtý bólimine qujat ótkizip, grant jeńip aldym. Aldaǵy ýaqytta iri kásipkerlerdiń tynys-tirshiliginen kórip-bilgenimdi óz kásibimde qaitalap kórmek oiym bar, – deidi 21 jastaǵy Aleksei Radivil.
Jas fermerdiń aitýynsha, qara maldyń ishinde ońdysy da, qońdysy da qazaqtyń tól maly – aqbas siyr. Bir jastan asqan buqashyǵy 200-215 keli et beredi eken.
Qazaqsha erkin sóileitin Aleksei anasy jáne inisimen birge otbasylyq kásipti jandandyryp, aldaǵy ýaqytta sútti baǵytta da sharýashylyqty damytýdy josparlap otyr.
