«Air Astana» oqys jaittardyń bárin halyqqa habarlaýǵa mindetti emes
Ekonomika sholýshysy Krivosheevtiń aityp otyrǵany «Air Astana» ushaǵy 2012 jyly Atyraýdan Ystambul qalasyna ushqanda oqys oqiǵa bolyp, «Eirbas» áýe kemesiniń qurylymyna zaqym kelgen. Bes jyl ótse de esh jerde aitylmaǵan jaǵdaidy ol óz paraqshasynda foto dáleldermen jariialady. «Eirbastyń» shanaǵyna syzat túsip, ushaq uzaq ýaqytqa deiin jóndeýde turypty. Júzdegen adamdardyń taǵdyry turǵanda mundai oqiǵalardyń bolǵanyn jyly jaýyp qoiyp, qoǵamǵa ashyq aqparat taratpaýdy halyqpen sanaspaýynan kórdi. Ózkezeginde ekonomikalyq sholýshy Denis Krivosheev:
– Kúrdeli jaǵdai bolsa da, bul tótenshe oqiǵa týraly bizde eshkimge aitpady. Túrkiianyń aviatsiia qyzmeti ýaqytynda habar taratty. Biz bilmei qalǵan qanshama oqiǵalar bolyp jatyr? Kompaniia bárimizge ashyq bolýy tiis. Osy jaittardy azamattyq aviatsiia komitetinen de talap etý kerek, – dedi.
Al «Air Astana» qyzmetkerleri ár bolǵan oqys oqiǵany tiisti organdarǵa baiandaimyz, al kópshilikke aitýǵa mindetti emes ekenin alǵa tartty. Jaqynda «Almaty-Oral» baǵytyndaǵy ushaqtyń apattyq jaǵdaida Aqtóbege qonǵany týraly (grafika) aqparatty da kompaniia taratpapty. 2016 jyly «Air Astana» reisterinde 35 ret aitarlyqtai qaýipti oqiǵa bolǵan. Olardyń kópshiligi áýe kemesine qustardyń soǵylýy men aýa-raiynyń qolaisyzdyǵynan oryn alypty. «Air Astana» áýe kompaniiasynyń tehnikalyq qyzmet kórsetý boiynsha aǵa menedjeri Sergei Makarenko:
– Bul «Air Astana» kompaniiasyna qatysy joq nárseler. Mysaly, Almatyda, Atyraýda qustarmen soqtyǵysý jiilegen edi. Onyń aldyn alý áýejaidyń, tipti ákimdiktiń mindetine kiredi. Al keide naizaǵai soqqysy bolady. Syrtqy faktorlardyń da áseri joǵary, – dep óz pikirin bildirdi.
Elimizdegi bilet quny eń joǵary, ári eń senimdi dep sanalatyn kompaniia ushaqtarynan aqaý shyǵyp, kezek-kezek shuǵyl jaǵdaida qonǵannan keiin kópshiliktiń qorqynyshy men kúmáni ulǵaiǵan bolatyn. "Ushaqtardyń barlyǵy úzdiksiz baqylaýda, al ushqyshtar da Eýropaǵa baryp, arnaiy treningten ótedi" degen kompaniia bolǵan keleńsizdikterdi qaitalanbas úshin budan bylai qyzmet sapasyn odan saiyn arttyrýǵa bekingen siiaqty.
Manas Qaiyrtai, Rinat Abýlhairov
