Memleket jáne qoǵam qairatkeri Altynbek Sársenbaiulynyń ólimine qatysty isti burynǵy prezident Nursultan Nazarbaevpen tikelei bailanystyrýǵa naqty negiz joq. Bul týraly saiasattanýshy, Májilis depýtaty Aidos Sarym 2025 jyly 23 naýryzda "Sadaq media" arnasyna bergen suhbatynda aitty, dep habarlaidy dalanews.kz.
Depýtattyń pikirinshe, mundai aýyr oqiǵany belgili bir adamǵa, sonyń ishinde Nazarbaevqa tikelei telý úshin naqty dálelder bolýy qajet. Ol qoǵamda bul taqyrypqa qatysty túrli pikir aitylǵanymen, quqyqtyq jáne tarihi baǵa derekke súienýi tiis ekenin atap ótti.
"Kezinde Rysbek Sársenbaev aǵamyz emotsiiamen biraz dúnieni aityp jiberdi. Áli de aityp júr. Biraq oǵan dálel joq qoi. Ol jerde Nazarbaevtyń qulaǵy kórinýi múmkin. Biraq ádilet degen bolýy tiis qoi, jobalap, ymdap bolsa da dáleldei alǵan adam joq. Men óz basym Altynbektiń ólimin Rahat Álievke jaqyndatam. Altynbekpen jyldap aralasqan, áli kúnge deiin sol ortada júrgen biraz azamatpen aralasam. Biraq olardyń eshqaisysy da tikelei Nazarbaevtan kórip jatqan joq. Bul Rysbektiń óziniń ustanymy, óziniń jeke pikiri. Kezinde Altynbektiń janynda júrgen, qaǵazyn jazyp berip júrgen Rysbek emes, men bolatynmyn. Men ony jaqsy bilemin", – deidi Aidos Sarym.
Sondai-aq Aidos Sarym Altynbek Sársenbaiulynyń adamdyq bolmysy men minezine qatysty da oiyn aitty. Depýtattyń sózinshe, saiasatkerdiń keibir adamdarǵa renishi bolǵan, alaida ýaqyt óte kele onyń kózqarasy ózgerip, kóptegen máselege sabyrmen qarai bastaǵan.
"Altynbek óte kekshil adam boldy. Kóp adamdy jek kórdi. Solardyń biri – Serik Ábdrahmanov edi. Ekinshi bir adam boldy. Ol – Baltash Tursynbaev bolatyn. Biraq ýaqyt óte kele ózgerdi, sanaly ǵumyrynda óziniń jek kóretin adamdarmen tatýlasyp, solardyń deńgeiine túsip, sóileskenin kórdim", – deidi depýtat.
