Májilis Spikeri, «AMANAT» partiiasynyń Tóraǵasy Erlan Qoshanov AES salýdy qoldaý jónindegi Halyqtyq shtabtyń alǵashqy otyrysyn ótkizdi. Onyń quramyna 6 saiasi partiianyń, sondai-aq shamamen 20 respýblikalyq qoǵamdyq birlestiktiń 250-ge jýyq ókili kirdi, – dep habarlaidy Dalanews.kz Halyqtyq shtabtyń baspasóz qyzmetine silteme jasap.
6 qazanda ótetin AES salý jónindegi referendýmnyń Táýelsiz Qazaqstannyń bolashaǵy úshin strategiialyq mańyzy zor. Sondyqtan elimizdegi bedeldi saiasi jáne qoǵamdyq uiymdar AES salýdy qoldaý jónindegi Halyqtyq shtabqa birikti. Bul týraly Májilis Spikeri, «AMANAT» partiiasynyń Tóraǵasy Erlan Qoshanov Shtabtyń alǵashqy otyrysynda málimdedi. Shtabtyń maqsaty – halyqty atom elektr stantsiiasyn salý jónindegi progressivti ideiasynyń ainalasynda toptastyrý.
– AES qurylysy – bul Qazaqstannyń aldaǵy uzaq jyldardaǵy tabysty damýynyń kepili bolatyn serpindi joba. Elimizdegi jáne álemdegi barlyq ozyq oily tulǵalar atom energetikasyn paidalanýdyń tiimdiligin jaqsy túsinedi. Bul – eń aldymen, qaýipsiz, senimdi, ekologiialyq taza joba. Biz úlken tańdaý aldynda turmyz. Sondyqtan Halyqtyq shtabtyń mindeti – el arasynda keń aýqymdy túsindirý jumystaryn júrgizip, qoǵamdy AES-ti qoldaýǵa jumyldyrý. 6 qazanda ótetin referendým bizdiń birligimizdi kórsetedi, – dedi ol.
Májilis Spikeri búgingi tańda energetikalyq táýelsizdik máselesi kún tártibinde alǵashqy orynǵa shyqqanyn atap ótti. Álemniń ozyq elderiniń tájiribesi atom energetikasynyń tiimdiligi men qaýipsizdigin aiqyn dáleldeidi. Qazirgi ýaqytta Qazaqstan elektr energiiasynyń tapshylyǵyn sezinýde jáne ony kórshi elderden importtaýǵa májbúr.
Sondyqtan Halyqtyq shtabtyń basty mindeti – qoǵamǵa AES salýdyń mańyzdylyǵy men artyqshylyqtaryn jetkizý, jurt arasyndaǵy negizsiz úreilerdi seiiltý. Oǵan qosa, partiialar men ÚEU-lardyń birlesip jumys isteýde tabysty tájiribesi de bar.
– Bizdiń árqaisymyz balalarymyzdyń qýatty jáne eshkimge muqtaj bolmaityndai táýelsiz memlekette ómir súrgenin qalaimyz. AES salý týraly sheshimdi qabyldai otyryp, biz osy asqaq armanymyzǵa qarai qadam jasaimyz. Biz eldiń energetikalyq táýelsizdigin shegelep bekitemiz. Bolashaq urpaqqa energetikalyq turǵydan táýelsiz, iaǵni ekonomikasy turaqty jáne órkendegen Qazaqstandy mura etip qaldyramyz. Bul tarihi sheshim Ádiletti Qazaqstandy qurý jylnamasyndaǵy jańa paraqshaǵa ainalady, – dedi ol.
Otyrys barysynda AES qurylysyna qoldaý bildirip, Halyqtyq shtabtyń quramynda kirgender qatarynda Ulttyq ǵylym akademiiasynyń prezidenti Aqylbek Kúrishbaev, «Qazaqstandyq atom elektr stantsiialary» JShS bas direktory Timýr Jantikin, Qazaqstan Azamattyq aliansynyń prezidenti Baný Nurǵazieva, «Atameken» Ulttyq kásipkerler palatasy prezidiýmynyń tóraǵasy Raiymbek Batalov, Qazaqstan halyq partiiasynyń tóraǵasy Ermuhamet Ertisbaev, «Ardagerler uiymy» RQB tóraǵasy Baqtyqoja Izmuhambetov, «Aýyl» partiiasynyń tóraǵasy Serik Egizbaev, «Aq jol» Qazaqstan demokratiialyq partiiasynyń tóraǵasy Azat Perýashev, Májilis depýtaty Ermurat Bápi, «Respublica» partiiasynyń tóraǵasy Aidarbek Qojanazarov, «Baitaq» partiiasynyń tóraǵasy Azamathan Ámirtaev, «Jastar Rýhy» jastar qanatynyń tóraǵasy Aqerke Iskanderova jáne basqalar boldy.
Sonymen qatar Halyqtyq shtabtyń quramyna Qazaqstan Respýblikasy Kásipodaqtar federatsiiasy, «Ardagerler uiymy» RQB, Ulttyq sport qaýymdastyǵy, «Assambleia jastary» RQB, Qazaqstannyń Iadrolyq qoǵamy, Taý-ken óndirý jáne taý-ken metallýrgiia kásiporyndary qaýymdastyǵy, Qazaqstan elektr energetikalyq qaýymdastyǵy jáne basqa da uiymdar kirdi.
Shtab quramyna saiasi partiialardyń ortalyq jáne aimaqtyq belsendileri, sondai-aq respýblikalyq qoǵamdyq birlestikterdiń ókilderi, sonyń ishinde Parlament pen máslihat depýtattary, intelligentsiia ókilderi, tanymal ǵalymdar, mádeniet jáne sport qairatkerleri, «Jastar Rýhy» jáne basqa da jastar uiymdarynyń belsendileri kirdi. Aldaǵy ýaqytta shtab músheleri óńirlerdegi sailaýshylarmen jumysyn bastaidy, eńbek ujymdarymen kezdesýler ótkizedi, shalǵai eldi mekenderge barady.
