Búgin AES salýdy qoldaý jónindegi Halyqtyq shtab músheleri Túrkistan oblysynyń turǵyndarymen birqatar kezdesý ótkizdi, – dep habarlaidy Dalanews.kz.
Túrkistanda Halyqtyq shtab músheleri óńir aktivimen júzdesip, oǵan 300-den astam adam qatysty. Májilis Spikeri, «AMANAT» partiiasynyń Tóraǵasy Erlan Qoshanov Shtab AES salý jónindegi respýblikalyq referendým qarsańynda osy tarihi oqiǵanyń mańyzy týraly azamattarmen ashyq áńgimelesý úshin óńirge arnaiy kelgenin atap ótti.
Májilis Tóraǵasy túrkistandyqtar el Prezidenti Qasym-Jomart Toqaevtyń qazaqstandyqtardyń ál-aýqatyn arttyrý jónindegi progressivti bastamalary men saiasatyn árdaiym qoldap kele jatqanyn jetkizdi.
– Memleket taǵdyryna qatysty kez kelgen mańyzdy sheshim halyqtyń qatysýymen jáne onyń pikirin eskere otyryp qabyldanady. Prezidentimiz ustanǵan saiasattyń buljymas qaǵidasy – osy. Bul – bizdiń qoǵamda jańa saiasi mádeniet qalyptasqanynyń kórinisi. Biz ár qadamdy nyq basyp, reformalardy kezeń-kezeńimen júzege asyryp kelemiz. Túpki maqsat – ony ár azamat, ár otbasy sezinýge tiis, – dedi ol.
Erlan Qoshanov elektr energiia tapshylyǵy búginde elimizdiń ońtústik óńirlerinde airyqsha seziletinin atap ótti. Byltyrǵy qorytyndy boiynsha defitsit 3,1 mlrd kVt/saǵ qurady. Salystyrý úshin aita ketsek, ortasha eseppen 100 myń turǵyny bar bir qala 700 mln kVt/saǵ tutynady.
Budan ári Shtab músheleri oblystyq aýrýhanada densaýlyq saqtaý salasynyń qyzmetkerlerimen kezdesip, atom energetikasyn damytý perspektivalaryn talqylady.
Osy kúni Halyqtyq shtab músheleri Saýran aýdanyna qarasty Oranǵai aýylyna bardy. Aýyl turǵyndarymen áńgimelesý barysynda Shtab músheleri jylyjai salýǵa poliak investorlaryn tartqan Sairam aýdanynyń sharýalary týraly aityp, olar kókónis óndirisin tolyq qýatta iske qosa almaǵanyn málimdedi. Buǵan sebep – turǵyn úilerdiń ózine áreń jetip turǵan álsiz qosalqy stantsiia. Shtab músheleri barlyq agrarlyq kásiporyndardy turaqty energiia kózimen qamtamasyz etýdiń mańyzyn atap ótti.
Sonymen qatar, Shtab músheleri Kentaý qalasynda JEO-5 ujymymen kezdesti. 1952 jyly iske qosylǵan bul jylý energetika toraby 15 myńǵa jýyq adamdy qamtyp otyr. Halyqtyq shtab músheleri barlyq kommýnaldyq kásiporyndardyń úzdiksiz jumys isteýiniń jáne olardy turaqty elektr energiia kózimen qamtamasyz etýdiń mańyzyna toqtaldy.
