Búgin, 14 qyrkúiek kúni Almatyda Qazaqstannyń túkpir-túkpirinen kelgen 200-den astam belsendi áiel "AMANAT" partiiasy Áielder qanaty "Tomiris" áielder saiasi kóshbasshylyǵy jobasy aiasynda uiymdastyrylǵan oqý kýrstaryna qatysty. Búgin olarmen "AMANAT" partiiasynyń Tóraǵasy, AES salýdy qoldaý jónindegi Halyqtyq shtabtyń Jetekshisi Erlan Qoshanov kezdesti, dep habarlaidy Dalanews.kz.
Is-sharany ashqan Erlan Qoshanov Memleket basshysy Qasym-Jomart Toqaev áielder qoǵam ómirine jáne eldiń jan-jaqty damýyna zor úlesi qosatynyn árdaiym aityp kele jatqanyn atap ótti. Genderlik teńdikti qamtamasyz etý, áielderdiń quqyǵyn qorǵaý jáne otbasy qundylyqtarynnyǵaitý Prezident pen "AMANAT" partiiasynyń basty nazarynda.
Ol Áielder qanaty bir jarym jylda "AMANAT" partiiasynyń qozǵaýshy kúshteriniń birine ainalǵanyn atap ótti. Máselen, Áielder qanatynyń alǵashqy forýmynda otbasylyq-turmystyq zorlyq-zombylyq máselesi talqylandy, Parlament tiisti zań qabyldap, ol jaqynda kúshine endi. Sonymen qatar halyqtyń qaryz júktemesin azaitý, qumar oiyndarǵa qarsy kúres týraly jańa zańdar kúshine enip, bul máseleler de Áielder qanaty músheleriniń bastamasymen kóterildi.
Kezdesýge qatysýshylar elimizdegi eń mańyzdy oqiǵalardyń biri – Memleket basshysynyń Joldaýyn da talqylady. "AMANAT" partiiasynyń Tóraǵasy ár Joldaý – bul halyqtyń qajettiligi men suranysyna negizdelgen naqty is-qimyl jiyntyǵy ekenin málimdedi. Sonyń biri – sońǵy jyldary halyq pen biznes qatty sezinip otyrǵan energiia tapshylyǵy máselesi. Osyǵan bailanysty Prezident AES salý ideiasyn usyndy. Qazirgi ýaqytta AES salýdy qoldaý jónindegi Halyqtyq shtab músheleri óńirlerge baryp, halyqqa beibit atom jumysynyń barlyq aspektilerin túsindirip, turǵyndardy tolǵandyrǵantúrli suraq-saýaldarǵa jaýap berýde.
"Búgin biz eldiń odan ári damýyna áser etetin barlyq mańyzdy sheshimder halyqpen birge qabyldanyp jatqanyn kórip otyrmyz. Jańa saiasi mádeniettiń máni osynda. Biz barlyǵymyz birge jańartylǵan Konstitýtsiia úshin daýys berdik. Qazir halyq qabyldaǵan sheshimniń durys bolǵanyn kórip otyrmyz. Bul joly da halyq óz tańdaýyn jasap, elimizde AES salý-salmaý týraly sheshim qabyldaýy kerek", – dedi ol.
Óz kezeginde Iadrolyq fizika institýtynyń ǵylymi hatshysy Karlyǵash Munasbaeva jáne Iadrolyq fizika institýtynyń iadrolyq jáne fizikalyq qaýipsizdik oqý ortalyǵynyń bastyǵy Natalia Izmailova sóz sóiledi. Al Jetisý oblysy Sarqan aýylynan kelgen kásipker Kenjetai Tazabekova AES qurylysy boiynsha referendým ótkizý – "Halyq únine qulaq asatyn memleket" tujyrymdamasyn júzege asyrýdyńaiqyn kórinisi ekenin atap ótti.
Partiia Tóraǵasy qazir kásibi mamandardyń dáleldi sózderi kúmánshil adamdar men synshylardyń pikirinen basym túsip, atom energiiasyna qatysty halyqtyń qorqynyshy men úreiin seiiltýi óte mańyzdy ekenin atap ótti.Qoǵam AES qurylysyn oi tarazysynan ótkizip,durys sheshim qabyldaýy kerek.
