بۇگىن، 14 قىركۇيەك كۇنى الماتىدا قازاقستاننىڭ تۇكپىر-تۇكپىرىنەن كەلگەن 200-دەن استام بەلسەندى ايەل "AMANAT" پارتياسى ايەلدەر قاناتى "Tomiris" ايەلدەر ساياسي كوشباسشىلىعى جوباسى اياسىندا ۇيىمداستىرىلعان وقۋ كۋرستارىنا قاتىستى. بۇگىن ولارمەن "AMANAT" پارتياسىنىڭ ءتوراعاسى، اەس سالۋدى قولداۋ جونىندەگى حالىقتىق شتابتىڭ جەتەكشىسى ەرلان قوشانوۆ كەزدەستى، دەپ حابارلايدى Dalanews.kz.
ءىس-شارانى اشقان ەرلان قوشانوۆ مەملەكەت باسشىسى قاسىم-جومارت توقايەۆ ايەلدەر قوعام ومىرىنە جانە ەلدىڭ جان-جاقتى دامۋىنا زور ۇلەسى قوساتىنىن ءاردايىم ايتىپ كەلە جاتقانىن اتاپ ءوتتى. گەندەرلىك تەڭدىكتى قامتاماسىز ەتۋ، ايەلدەردىڭ قۇقىعىن قورعاۋ جانە وتباسى قۇندىلىقتارىننىعايتۋ پرەزيدەنت پەن "AMANAT" پارتياسىنىڭ باستى نازارىندا.
ول ايەلدەر قاناتى ءبىر جارىم جىلدا "AMANAT" پارتياسىنىڭ قوزعاۋشى كۇشتەرىنىڭ بىرىنە اينالعانىن اتاپ ءوتتى. ماسەلەن، ايەلدەر قاناتىنىڭ العاشقى فورۋمىندا وتباسىلىق-تۇرمىستىق زورلىق-زومبىلىق ماسەلەسى تالقىلاندى، پارلامەنت ءتيىستى زاڭ قابىلداپ، ول جاقىندا كۇشىنە ەندى. سونىمەن قاتار حالىقتىڭ قارىز جۇكتەمەسىن ازايتۋ، قۇمار ويىندارعا قارسى كۇرەس تۋرالى جاڭا زاڭدار كۇشىنە ەنىپ، بۇل ماسەلەلەر دە ايەلدەر قاناتى مۇشەلەرىنىڭ باستاماسىمەن كوتەرىلدى.
كەزدەسۋگە قاتىسۋشىلار ەلىمىزدەگى ەڭ ماڭىزدى وقيعالاردىڭ ءبىرى – مەملەكەت باسشىسىنىڭ جولداۋىن دا تالقىلادى. "AMANAT" پارتياسىنىڭ ءتوراعاسى ءار جولداۋ – بۇل حالىقتىڭ قاجەتتىلىگءى مەن سۇرانىسىنا نەگىزدەلگەن ناقتى ءىس-قيمىل جيىنتىعى ەكەنىن مالىمدەدى. سونىڭ ءبىرى – سوڭعى جىلدارى حالىق پەن بيزنەس قاتتى سەزىنىپ وتىرعان ەنەرگيا تاپشىلىعى ماسەلەسى. وسىعان بايلانىستى پرەزيدەنت اەس سالۋ يدەياسىن ۇسىندى. قازىرگى ۋاقىتتا اەس سالۋدى قولداۋ جونىندەگى حالىقتىق شتاب مۇشەلەرى وڭىرلەرگە بارىپ، حالىققا بەيبىت اتوم جۇمىسىنىڭ بارلىق اسپەكتىلەرىن ءتۇسىندىرىپ، تۇرعىنداردى تولعاندىرعانءتۇرلى سۇراق-ساۋالدارعا جاۋاپ بەرۋدە.
"بۇگىن ءبىز ەلدىڭ ودان ءارى دامۋىنا اسەر ەتەتىن بارلىق ماڭىزدى شەشىمدەر حالىقپەن بىرگە قابىلدانىپ جاتقانىن كورىپ وتىرمىز. جاڭا ساياسي مادەنيەتتىڭ ءمانى وسىندا. ءبىز بارلىعىمىز بىرگە جاڭارتىلعان كونستيتۋسيا ءۇشىن داۋىس بەردىك. ءقازىر حالىق قابىلداعان شەشىمنىڭ دۇرىس بولعانىن كورىپ وتىرمىز. بۇل جولى دا حالىق ءوز تاڭداۋىن جاساپ، ەلىمىزدە اەس سالۋ-سالماۋ تۋرالى شەشىم قابىلداۋى كەرەك"، – دەدى ول.
ءوز كەزەگىندە يادرولىق فيزيكا ينستيتۋتىنىڭ عىلىمي حاتشىسى كارلىعاش مۇناسبايەۆا جانە يادرولىق فيزيكا ينستيتۋتىنىڭ يادرولىق جانە فيزيكالىق قاۋىپسىزدىك وقۋ ورتالىعىنىڭ باستىعى ناتاليا يزمايلوۆا ءسوز سويلەدى. ال جەتىسۋ وبلىسى سارقان اۋىلىنان كەلگەن كاسىپكەر كەنجەتاي تازابەكوۆا اەس قۇرىلىسى بويىنشا رەفەرەندۋم وتكىزۋ – "حالىق ۇنىنە قۇلاق اساتىن مەملەكەت" تۇجىرىمداماسىن جۇزەگە اسىرۋدىڭايقىن كورىنىسى ەكەنىن اتاپ ءوتتى.
پارتيا ءتوراعاسى ءقازىر كاسىبي مامانداردىڭ دالەلدى سوزدەرى كۇمانشىل ادامدار مەن سىنشىلاردىڭ پىكىرىنەن باسىم ءتۇسىپ، اتوم ەنەرگياسىنا قاتىستى حالىقتىڭ قورقىنىشى مەن ۇرەيىن سەيىلتۋى وتە ماڭىزدى ەكەنىن اتاپ ءوتتى.قوعام اەس قۇرىلىسىن وي تارازىسىنان وتكىزىپ،دۇرىس شەشىم قابىلداۋى كەرەك.
