Sherzat Bolat tarapynyń advokaty Saıda Táýekelova Nurqanat Ǵaıypbaevtyń qazasy jóninde tyń derekterdi aıtty, dep habarlaıdy Dalanews.kz Ulysmedia.kz-ke siltep.
– Qylmystyq kodekstiń 105-baby (óz-ózine qol jumsaýǵa jetkizý) boıynsha qylmystyq is qozǵaldy. Sherzat isi boıynsha Nurqanatpen tergeý amaldaryna kúndelikti jaýap alý kezinde birge qatystyq. Aýyr psıhologıalyq jaǵdaıyn baıqamaǵan edik. Ol jaýap alý sátteriniń bárin batyl túrde ótkerdi. Oqıǵa ornyna barǵanda da. Sársenbide sotqa barýymyz kerek edi. Ol sotta biz “jala jabý”, BAQ-ta “jalǵan aqparat taratý” boıynsha aryz túsirgenbiz. Sol boıynsha sot bastalýy kerek edi. Daıyndalǵan edik. Keshe de baılanysty boldyq. Materıaldyq qıyndyqtarǵa, et dúkenindegi jumystaryna qaramastan, olardyń osy isti qozǵaǵanyna qýanǵan edim. Keıde olarǵa kómektesýge de tyrystyq. Otbasynda kiris bolsyn dedik. Olar eshkimnen eshteńe suramady. Bul jańalyq – báriniń tóbesimizge jaı túskendeı boldy, – deıdi advokat Saıda Táýekelova qaza shyqqan úıdiń aldynda jýrnalıserge.
Advokattyń aıtýynsha, Sherzat isi boıynsha tergeý amaldary aıaqtalýǵa jaqyn.
– Biz sotqa daıyndalyp jatyr edik. Ol basty kýáger ári jábirlenýshiniń biri edi. Sebebi oǵan da sol kezde úsh ret pyshaq salynǵan. Búgingi jańalyq – otbasyna da, bizge de úlken tragedıa. Oqıǵalar jelisin aldaǵy ýaqytta qosymsha habarlaımyz. Qazir tergeý amaldaryna barýymyz kerek, – dedi advokat.
Nurqanat Ǵaıypbaevty baýyry Sherzat Bolattyń janyna qoıǵaly jatyr.
Eske salaıyq, buǵan deıin Talǵardaǵy jappaı tóbeles kezinde qaza tapqan Sherzat Bolattyń aǵasy Nurqanat Ǵaıypbaev kóz jumarynyń aldynda hat jazǵanyn habarlaǵan bolatynbyz.
Almaty oblysynyń Polısıa departamentiniń málimetinshe, aldyn ala málimetterge sáıkes, ol asylyp, óz-ózine qol jumsaǵan.
Marqum aǵymdaǵy jyldyń 4 qazanynda qaıǵyly qaza tapqan kámeletke tolmaǵan Sherzat Polattyń aǵasy ekeni anyqtaldy.
Tergeý barysynda marqum týystarynyń birine ózine-ózi qol jumsaý týraly messendjerde jibergen jazbasy anyqtaldy. Habarlamada ol týysqandarymen qoshtasyp, jıeniniń janyna jerleýdi surady.
Bul fakti boıynsha qylmystyq is qozǵaldy. Qazirgi ýaqytta barlyq jaǵdaılardy anyqtaý úshin tergeý amaldary júrgizilip jatyr.
Buǵan deıin Talǵardaǵy jappaı tóbeles kezinde qaza tapqan Sherzat Bolat tarapynyń advokaty Saıda Táýekelova jasóspirimniń aǵasynyń óli tabylýyna qatysty málimdeme jasaǵan bolatyn.
Saıda Táýekelova marqumnyń aǵasy Nurqanat Ǵaıypbaev kóz jumǵanyn rastady. "Chemodan gossekretov" telegram-arnasynda “Sherzat Bolattyń aǵasy tóbeles kezinde qarýdy birinshi alyp shyqqan, sol úshin ózin aıypty sezinip, óz-ózine qol salǵan” degen aqparat taraǵan.
"Marqumnyń tergeý barysynda bergen jaýaptarynan onyń qatty qobaljyǵanyn, inisiniń ólimine ózin kináli dep sanaǵanyn baıqaýǵa bolady. Sýısıd jasaýynyń da sebebi sol bolýy múmkin", delingen telegramdaǵy jazbada.
Advokat Táýekelova bul nusqany joqqa shyǵardy.
Polısıa da Nurqanat Ǵaıypbaevtyń mert bolǵanyn rastady
Almaty oblystyq polısıa departamenti málimetinshe, Talǵar qalasynyń mańynan 30 jastaǵy er adamnyń denesi tabylǵan. Aldyn ala málimetterge sáıkes, ol asylyp, óz-ózine qol jumsaǵan.
"Marqum bıyl 4 qazanda qaıǵyly jaǵdaıda qaza tapqan kámeletke tolmaǵan Sherzat Bolattyń aǵasy ekeni anyqtaldy. Bul derek boıynsha qylmystyq is qozǵaldy. Qazir barlyq jaǵdaıdy anyqtaý úshin tergeý júrgizilip jatyr. Qylmystyq sıpattaǵy qandaı da bir belgiler anyqtalmady", - dep jazylǵan habarlamada.
Polısıa marqum Sherzat Bolattyń otbasy barlyq ýaqytta polıseılerdiń qorǵaýynda bolǵanyn málimdedi.
"Marqumnyń otbasyna qatysty qandaı da bir qaýip-qater tirkelgen joq. Kúzetken qyzmetkerlerdiń sózinshe, er adam kúzetiletin nysannan saǵat 23:30-da shyǵyp, jeke kólikpen ketke. Tergeý múddesi úshin ózge de aqparat jarıalanbaıdy", - dep jazylǵan habarlamada.
Polısıa tek resmı derekkózderge senýdi surady. Sondaı-aq, jalǵan aqparat taratý qylmystyq jaýapkershilikke deıin ákelýi múmkin kenin eske saldy.
Eske salaıyq, buǵan deıin Talǵarda jappaı tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aıtýynsha, dúkenge kelgen satyp alýshy syra alyp, aqshasyn tóleýden bas tartqan. Osy jaǵdaıdan keıin tóbeles bastalǵan.
Kámeletke tolmaǵan balany óltirý deregi boıynsha Almaty oblysynyń polısıa departamenti qylmystyq is qozǵady. Qazir kúdiktiler ustalyp, ýaqytsha ustaý ızolátoryna qamaýǵa alynǵan.
Almaty oblystyq polısıa departamenti bastyǵynyń mindetin atqarýshy Shalqarov tóbelesten keıinqansha qarý tárkilengenin de aıtty.
Odan keıin Sherzattyń úıine kúzet qoıyldy. Kóp uzamaı marqum Sherzattyń úıi órtendi.
