Advokat jaýapkershilikke tartylady
Memleket basshysy maquldaǵan Zańnyń maqsaty – advokattyq qyzmetti jáne zań kómegin kórsetýdi keshendi túrde jeteldirý. Bul týraly búgin Túrkistan oblysy Ádilet departamenti basshysynyń orynbasary Meiirjan Isabekov Óńirlik kommýnikatsiialyq qyzmetinde ótken baspasóz jiynynda málimdedi.
Onyń sózinshe, zań kómegin kórsetetin advokattar, zań keńesshiler, memlekettik organdardyń qyzmetterin qamtityn Zań, endi «Advokattyq qyzmet týraly» jáne «Memleket kepildik bergen zań kómegi týraly» qos birdei Zańnyń ornynda qoldanysta bolady.
– Búgingi tańda konstitýtsiialyq quqyqty tolyq zańdy júzege asyrýdy qamtamasyz etý kezinde birneshe máseleler týyndaýda. Máselen, kei jaǵdailarda zań qyzmetkerleri azamattarǵa joǵary sapada kómek kórsete almai jatady. Sondai-aq, mamandardyń bilimi tez eskirip, nátijesinde júieli túrde biliktiligin arttyrý qajettiligi týyndaidy. Advokattardyń jetispei jatýy da úlken máselege ainalýda. Mine, jańadan qabyldanǵan Zań osy kemshilikterdi joiýǵa baǵyttalǵan. Zańdy júieli túrde nasihattaý úshin naqty sharalar jospary bekitilgen. Atap aitqanda, atalǵan saladaǵy standarttar men sapa ólshemderi, kásibi qaǵidalar jáne erejeler belgilenedi. Sapasyz zań kómegi kórsetilgen jaǵdaida sýbektilerdi jaýapkershilikke tartý mehanizmi jetildirildi. Halyqtyń áleýmettik osal toptary úshin keshendi áleýmettik zań kómegin kórsetý institýty engizildi, – dedi Meiirjan Nurjanuly.
Odan bólek, jańa Zań aiasynda halyqty aqparattandyrý maqsatynda zań kómeginiń ortasha quny anyqtaý qarastyrylady. 2020 jyldan bastap sapasyz zań kómegi kórsetilgen jaǵdaida azamattardyń shyǵystaryn saqtandyrý arqyly óteý josparlanýda. Sondai-aq, Advokattar alqasyna kirý úshin kirý jarnalaryn tóleýdi alyp tastaý arqyly múliktik kedergini joiý qamtamasyz etildi. Advokattardyń attestatsiialaý jáne kásibi biliktiligin arttyrý mehanizmi qaita qarastyrylǵan. Sonymen qatar, advokattar alqalarynyń basqarý organdarynda bolý merzimderine shekteýler bekitildi. 2019 jyldan bastap advokattyq orderdi alyp tastaý kózdelgen.
Aita keteiik, mamandardyń sózinshe atalǵan Zań álemniń damyǵan elderindegi quqyq qorǵaý salasynyń tájiribesine súienip jasalǵan.
Túrkistan oblysy ákiminiń baspasóz qyzmeti
