Redaktsiiadan: Sońǵy ýaqyttary aqparat quraldaryna kórsetiletin qysym kóbeiip ketti. Kúni keshe ǵana DALA INSIDE arnasyna kórsetilgen qysymǵa QR Aqparat jáne mádieniet ministri Aida Balaeva hanymnyń ózi aralasyp, jýrnalisterge qoldaý kórsetkennen keiin ǵana arnaǵa qarsy qozǵalǵan qylmystyq istiń qylmystyq quramy bolmaǵan soń toqtatyldy. Endi osyndai tergeý-tekserýge «Adyrna» ulttyq portaly ushyrap otyr. Osy máselege qatysty «Qazaq media assotsiiatsiiasy» jeke kásipkerler jáne zańdy tulǵalar birlestigi ún qatyp, óz Úndeýin jariialady. Áriptesteremizdi qoldaý maqsatynda Úndeýdi tolyq kúiinde saitymyzǵa jariialaýdy jón dep taptyq.
QR Bas prokýrory B.Asylovqa,
QR Mádeniet jáne aqparat ministri A.Balaevaǵa,
IIM ministri E.Sádenovke,
«Ádil Sóz» Halyqaralyq sóz bostandyǵyn qorǵaý Qoryna,
Qazaqstan jýrnalister Odaǵyna,
Qazaqstan Transparensi qoryna,
Internews-ke,
BAQ pen jýrnalisterge
«Qazaq media assotsiiatsiiasy» jeke kásipkerler jáne zańdy tulǵalar birlestiginen
ÚNDEÝ
«Qazaq Media Assotsiatsiiasy» «Adyrna» ulttyq portaly ainalasyndaǵy qysym men qýdalaý jaǵdailaryna alańdaýshylyq bildiredi.
Ókinishke qarai, sońǵy ýaqytta BAQ jáne jýrnalistterge túrli dárejede qysym jasaý, zańdy qyzmetine kedergi keltirý jáne árqily negizde sotqa tartý, politsiiaǵa aryzdaný órship tur. QR Konstitýtsiiasynda baspasóz bostandyǵyna kepildik berilgenimen sol bostandyqty qarsy shabýyldar tolastar emes. Árine, ár azamattyń pikirin aitýǵa, ózin qorǵaýǵa jáne qajet bolǵanda sotqa júginýge quqyly ekeni ras. Alaida sońǵy kezderi bárine BAQ-ty nemese jýrnalisti kináli etip shyǵarýǵa talpynatyn ister kóbeiip ketti. Qandai da bir daýda BAQ týraly zańda kórsetilgen talaptardy redaktsiialar saqtaǵanymen qarsy taraptar oǵan toqtamai qalai da BAQ pen jýrnalisti sotqa súirep, ósh alý sipatyndaǵy áreketterge baryp jatqany media qaýymdastyqty ǵana emes, tutas qoǵam men bilikti alańdatýy tiis ótkir másele dep bilemiz. Sondyqtan da BAQ pen jýrnaliske jasalatyn qysym men qýdalaýdyń jolyn qatań kesýge jáne mundai ár iske quzyrly jaýapty organdardy muqiiat nazar aýdarýǵa shaqyramyz.
Kezekti qysym «Adyrna» ulttyq portalyna jasalyp otyr. Atalǵan redaktsiia isine qatysty ashyq ári ádil is-sharalardyń jede qabyldanyp, olardyń jumysyna kedergi keltirip otyrǵan áreketterge toqtaý salynýyn talap etemiz!
Endi máselege naqtyraq toqtalsaq.
ADYRNA ULLTYQ PORTALY Youtube arnasyna 2023 jyly 2 qańtar kúni «Ǵalymjan Jaqiianovqa senip edim» degen taqyrypta eks-depýtat Tólen Toqtasynovtan alynǵan suhbatty jariialaǵan.
Keiin Pavlodar oblysy men Semei qalasynyń eks-ákimi Ǵalymjan Jaqiianov 2023 jyly 17 tamyz kúni Alataý aýdandyq sotyna «Adyrna» ulttyq portaly men Tólen Toqtasynovtyń ústinen aryz túsirdi.
Búginde osy suhbat máselesi boiynsha birneshe aiǵa sozylǵan sot protsessi jalǵasýda. 2023 jyldyń 26 -shy aqpany kúni saǵat 15:00-de Almaty qalasynyń Alataý aýdandyq sotynda osy is boiynsha qortyndy jaryssóz ótedi.
«Adyrna» ulttyq portalynyń iýtýb arnasy jáne redaktsiiasy Ǵalymjan Jaqiianovtyń ar-ojdany men bedeline nusqan keltirý, burmalanǵan aqparat jariialaýdy maqsat tutpaǵan. Suhbat barysynda tek jýrnalist spikerge suraq qoidy. Al suhbat berýshi óz pikirimen bólisken. Eshqandai ózgerissiz, jalǵan aqparat qospai jariialandy. Jáne saiasatker Ǵalymjan Jaqiianov suhbatqa shaqyrylyp, efirden oryn berýge daiyn ekenin “Adyrna” ulttyq portaly birneshe márte málimdegen.
Tipti Tólen Toqtasynovpen bolǵan alǵashqy suhbat barysynda da Jaqiianovqa stýdiiaǵa kelip, mán-jaidy túsindirý usynylǵan. Biraq, Jaqiianov bul usynystan úzildi-kesildi bas tartty. Sonymen qatar, Ǵalymjan Jaqiianovtyń Feisbýktaǵy barlyq málimdemelerin “Adyrna” ulttyq portaly úzbei jariialap keledi. Iaǵni, beitaraptyq pozitsiiany ustanýda.
Redaktsiia aqparat taratý tásiliniń durystyǵyna jáne eshkimniń múddesine qaishy áreket jasamaǵanyna senimdi jáne atalǵan isti BAQ-qa qysym jasaý faktisi dep sanaidy.
2023 jyldyń 26 -shy aqpany kúni saǵat 15:00-de Almaty qalasynyń Alataý aýdandyq sotynda (Janqoja batyr, 26/1) ótetin qortyndy jarys sózge (debat formatynda) barlyq BAQ ókilderin jáne qoǵam belsendilerin shaqyramyz!
Ádildikti, shyndyqty, sóz bostandyǵyn qoldaýǵa kelińizder!
