Belgili zańger Meiirman Shekeev qoǵam belsendisi, bloger ári zańger Ádilethan Moldahannyń ustalýyna bailanysty málimdeme jasap, oǵan taǵylǵan aiyptar týraly aitty, dep habarlaidy Dalanews.kz.
Meiirman Shekeevtiń aitýynsha, Ádilethan Moldahanǵa Qylmystyq kodekstiń 174-baby jáne 274-baby boiynsha aiyp taǵylǵan.
“Maǵan búgin belgili bolǵan málimetke sáikes, Ádilethanǵa 174-bap, iaǵni arazdyqty qozdyrý, jáne 274-bap - jalǵan aqparat taratý boiynsha is qozǵalǵan”, - deidi zańger.
Ol 174-bapqa qatysty naqty aqparat bere almaitynyn atap ótti. Zańgerdiń pikirinshe, 274-bap boiynsha is jol-kólik oqiǵasyna bailanysty aitylǵan málimdemelerden keiin qozǵalǵan bolýy múmkin.
“Meniń paiymdaýymsha, jol-kólik oqiǵasyna qatysty birneshe adamnyń aty ataldy. Solardyń biri aryz jazyp, osy bap boiynsha is qozǵalǵan bolýy yqtimal”, - dedi Shekeev.
Sonymen qatar ol qazirgi tańda Ádilethan Moldahannyń advokattary men jaqyndary bul ispen ainalysyp jatqanyn jetkizdi.
Zańger qoǵamdaǵy alańdaýshylyqty atap ótip, jańa málimetter paida bolǵan jaǵdaida olardy jariialaýǵa daiyn ekenin aitty.
