«Ádil sóz» sóz bostandyǵyn qorǵaý halyqaralyq qory «QazTAG» agenttiginiń bas direktory Áset Mataev pen bas redaktory Ámir Kasenovqa qatysty qozǵalǵan qylmystyq iske bailanysty resmi pikir bildirdi, dep habarlaidy Dalanews.kz "KazTag"-qa silteme jasap.
Qordyń málimetinshe, 9 jeltoqsan kúni shamamen saǵat 11:00-den 16:00-ge deiin Astana qalalyq Politsiia departamentinde Áset Mataevtan tergeý amaldary aiasynda jaýap alynǵan. Odan keiin birden bas redaktor Ámir Qasenovtan da jaýap alý bastalǵan.
«Ádil sóz» uiymy tergeý barysynda birqatar quqyqtyq normanyń buzylǵanyn atap ótti.
«QazTAG – elimizdegi tájiribesi mol jáne yqpaldy aqparattyq agenttikterdiń biri. Ol jai ǵana BAQ emes, Qazaqstannyń qazirgi tarihynyń mańyzdy bóligi», – dep málimdedi qor.
Uiym qazirgi aqparattyq keńistiktiń jahandyq platformalar algoritmderiniń yqpalyna kóshýi jaǵdaiynda ulttyq táýelsiz media quraldaryn saqtaý qoǵam úshin de, eldiń aqparattyq qaýipsizdigi úshin de asa mańyzdy ekenin atap ótti.
Fond quqyq qorǵaý organdaryn qylmystyq-protsestik zańnamanyń barlyq normalaryn saqtaýǵa, tergeý amaldarynyń ashyqtyǵyn qamtamasyz etýge jáne jýrnalisterdiń kásibi quqyqtaryn qorǵaýǵa shaqyrdy. Sondai-aq uiym jaǵdaidy muqiiat baqylaýdy jalǵastyratynyn jetkizdi.
Istiń mán-jaiy
Freedom Finance kompaniiasy agenttiktiń ózi týraly jariialanǵan materialdaryna bailanysty KazTAG-qa qarsy aryz túsirdi. Redaktsiianyń habarlaýynsha, buǵan deiin basylym kompaniiadan zardap shekken birneshe adamnyń málimdemesin jariialaǵan. Maqalada Freedom Finance basshylyǵynyń «qarjylyq alaiaqtyq shemalaryn» júzege asyrǵany jóninde aqparat keltirilgen. Qarjy kompaniiasy bul derekterdi óz bedeline nuqsan keltirdi dep baǵalap, politsiiaǵa shaǵymdanǵan.
Atalǵan aryz negizinde KazTAG bas direktory Áset Mataev pen bas redaktory Amir Qasenov «jalǵan aqparat taratýy múmkin» degen kúdikke ilingen. Olardyń advokattary kúdikti retinde taný jáne saraptamalardy jasyryn taǵaiyndaý zań talaptaryna sáikes kelmeitinin atap ótti. Aitýlarynsha, tergeý birneshe ai boiy redaktsiiaǵa habar berilmei júrgizilgen.
