Kitap shyǵarý salasyndaǵy sońǵy tendentsiialar men oqyrman suranysyn eskere otyryp, adebiportal.kz otandyq ádebi portaly avtorlardyń aýdiokitap formatyndaǵy jańa shyǵarmalarymen tolyǵýda, – dep habarlaidy Dalanews.kz.
Portaldyń jańalyǵy – Qasym-Jomart Toqaevtyń «Áke týraly oi-tolǵaý» aýdiokitaby. Kitap qazaq ádebietindegi detektiv janrynyń negizin qalaýshy Kemel Toqaevtyń ómir jolyna arnalǵan.
Avtor ákesiniń ómiri men shyǵarmashylyǵy týraly jeke estelikterimen bólisip, Kemel Toqaevtyń qiyndyqqa toly balalyq shaǵy, onyń maidandaǵy jastyq kezi men soǵystan keiingi shyǵarmashylyq joly týraly áńgimeleidi. Avtor anasy – Turar Shabarbaevaǵa arnaiy bólim arnaǵan. Anasy jazýshynyń ómirlik adal serigi, otbasynyń uiytqysy bolǵanyn aitady. Óziniń ata-anasyna jáne jaqyndaryna degen súiispenshilik sezimin tereń jetkizedi.
Prezidenttiń otbasy qundylyqtary, borysh pen jaýapkershilik, aǵa urpaqtyń murasy týraly oi-tolǵaýlary kitapta aiqyn kórinis tapqan. Qasym-Jomart Toqaevtyń bul týyndyda baiandaǵan shynaiy tolǵanystary jas urpaq tárbiesi úshin máni tereń, mańyzy zor.
Kemel Toqaev HH ǵasyrdaǵy otandyq ádebiette jarqyn iz qaldyrdy. Shyǵarmalary qalamdastary, synshylar men oqyrman tarapynan joǵary baǵalanyp, Qazaqstan men Keńes Odaǵynda bestsellerge ainaldy.
Prezidenttiń aýdiokitaby Kitap.kz, Topiq.kz, Kazneb.kz qosymshalarynda da qoljetimdi bolady.
Jaqyn ýaqytta Uly Jeńistiń 80 jyldyǵyn merekeleý aiasynda adebiportal.kz portalynda qazaqstandyq maidanger-jazýshylardyń aýdiokitaptary ornalastyrylady: Baýyrjan Momyshuly «Artymyzda Moskva, Tahaýi Ahtanov «Qaharly kúnder», Ábdijámil Nurpeiisov «Kútken kún», Ázilhan Nurshaiyqov «Aqiqat pen ańyz», Kemel Toqaev «Soldat alysqa ketti», Qasym Amanjolov «Aqyn ólimi týraly ańyz» jáne t.b.
